sulorarluni EM

EM-imi peqataasussaq: Suna tamaat sakkungalugu ajugaaniarsarissaanga

Sulorartut europami pissartanngorniunnerat sapaatip akunnerata tulliani aallatissapput. Sermitsiaq.AG-ip timersorluni unammersuarnermi peqataasussaq Jens-Frederik Nielsen oqaloqatigisimavaa.

Jens-Frederik Nielsen deltager ved europamesterskaberne i badminton for hold Leiff Josefsen- På papiret har jeg ikke en chance for at vinde kampe, så det jeg kan gøre er at spille mit allerbedste spil, siger Jens-Frederik Nielsen Leiff JosefsenJens-Frederik Nielsen deltager ved europamesterskaberne i badminton for hold Leiff Josefsen- På papiret har jeg ikke en chance for at vinde kampe, så det jeg kan gøre er at spille mit allerbedste spil, siger Jens-Frederik Nielsen Leiff JosefsenJens-Frederik Nielsen deltager ved europamesterskaberne i badminton for hold Leiff Josefsen- På papiret har jeg ikke en chance for at vinde kampe, så det jeg kan gøre er at spille mit allerbedste spil, siger Jens-Frederik Nielsen Leiff Josefsen

- På papiret har jeg ikke en chance for at vinde kampe, så det jeg kan gøre er at spille mit allerbedste spil, siger Jens-Frederik Nielsen

Jens-Frederik Nielsen deltager ved europamesterskaberne i badminton for hold Leiff Josefsen- På papiret har jeg ikke en chance for at vinde kampe, så det jeg kan gøre er at spille mit allerbedste spil, siger Jens-Frederik Nielsen Leiff JosefsenJens-Frederik Nielsen deltager ved europamesterskaberne i badminton for hold Leiff Josefsen- På papiret har jeg ikke en chance for at vinde kampe, så det jeg kan gøre er at spille mit allerbedste spil, siger Jens-Frederik Nielsen Leiff JosefsenJens-Frederik Nielsen deltager ved europamesterskaberne i badminton for hold Leiff Josefsen- På papiret har jeg ikke en chance for at vinde kampe, så det jeg kan gøre er at spille mit allerbedste spil, siger Jens-Frederik Nielsen Leiff Josefsen

Leiff JosefsenLeiff JosefsenLeiff JosefsenLeiff JosefsenLeiff JosefsenLeiff Josefsen

Nukappiaaluk Hansen

arfininng 10. uki 2018 08:05

Annonse

- Sulorarnermik EM-imut peqataanissarput tamatsinnut annertuumik misigisaqarfiussaaq. Uangalu europami pissartaq ataasiakkaarnermi unammeratarsinnaavara, taamaattoqassapput pikkunassaqaaq.

26-nik ukiulik sulorartartoq Jens-Frederik Nielsen Nuumminngaanneersoq, sulorartartut europami pissartanngorniutilerpata peqataasussaq, Sermitsiaq.AG-mut oqarpoq. Pissartanngorniunnerit sapaatip akunnerata tulliani Ruslandip illoqarfiani Kazan-imi ingerlanneqassapput.

Jens-Frederik Nielsenip sulorartaleramili EM-imi peqataanissani misiginikuusamini annerpaajumaartoq oqaluttuaraa.

- Unammisartut sukkassutsimik allarluinnarmik unammeriaasillut naapinnikuunngisagut unammisussaassavagut. Isikkamik arsaattartut peqatigiiffiat B-67 Englandimi Premier-League-mi peqatigiiffimmik unammisaqarnissaat assersuutigineqarsinnaavoq. Tamanna misigisussaavarput, taamaammat neriuutigaara misilittakkanik siuariaatigisinnaasatsinnik pissarsilluarnissarput, taanna erseqqissaavoq.

Atuaruk:

Sukkasuumik unammeriaaseq unammillernangaatsiassasoq

Pingaartumik sukkassuseq kalaallit unammisartuinut unammillernarnerpaasussaavoq.

- EM-ertoqarnerani sukkassuseq Island Games-ini takusartakkatsinniit minnerpaamik quleriaamik annerusussaavoq. Unammisassagut sukkasuupilussuarmik unammisussaapput, taakkuli unammisussaavagut. Sukkassuseq nunani allani unammeriaasigineqartartoq misilittagaqarluarfiginngilarput, unammersuarnermilu tamanna uagutsinnut unammillernarnerpaassaaq, Jens-Frederik Nielsen oqarpoq.

Suna tamaat sakkungalugu ajugaaniarsariniartoq

Taanna ukiuni kingullerni sakkortuumik sungiusartarsimavoq, siullermik ukioq kingulleq juunip qaammataani Island Games-ertoqarnissaanut maannalu EM-ertoqarnissaanut. Sungiusarnerni sulorarneq kisiat sungisuaatigineq ajorpaa, sungiusartarfinnimi akunnerit arlallit aamma atortarsimavai.

- Ullut tamangajaasa sungiusartarpunga. Sungiusartarfimmi kiiarneq timigissarnerlu nunanullu allanut sungiusaasoq Rune Svenningsen ilagalugu unammeriaatsigut pitsanngorsarniarsarisarpagut. Unammisassagulli kulturimik allarluinnarminngaanneersuupput, taakku ullut tamaasa sungiusartarput. Taakku sungiusaasut ilagalugit ullaat tamaasa sungiusartarput, tassanilu kinguarsimanerput malugisinnaavarput, taanna tikkuaavoq.

- EM-imi angusarissaarnissat qanoq takorloorpiuk?

- Sapinngisara tamaat pitsaanerpaamik unamminissara. Unamminerni ajugaasinnaanera ilimanaateqanngilaq, taamaammat sapinngisannik unamminiarsarissaanga. Ajorsariartorlunga unamminavianngilanga, aammalu kinaluunnit unammissangaluarukku ajugaaniarsarissaanga. Unamminermi ataasiarlunga ajugaassangaluaruma nunarsuarmi pissartatut misigiumaarpunga, Jens-Frederik Nielsen oqarpoq.

Jens-Frederik Nielsenip saniatigut kalaallit angutit nunanut allanut unammisartui Ruslandim EM-imi peqataatitassaat tassaapput, Bror Madsen, Taatsiannguaq Pedersen aamma Toke Ketwa-Driefer. Taakku EM-ertoqarnerani Tuluit Nunaat, Slovakia kiisalu Ungarn unammissavaat.

timersoneq assit nunatsinnit