Elite Sport Greenlandip Grønlandsbankillu isumaqatigiissutaat sivitsorneqarpoq
Isumaqatigiissut ukiuni marlunni sivitsorneqarpoq
Grønlandsbank ukiorpassuit Elite Sport Greenland suliaat tapersersornikuuaat, marluullutillu suleqatigiinnissamut isumaqatigiissut 2022 tungaanut atuuttoq atsioqqammerpaat.
Tamanna tusagassiutinut nalunaarutigineqarpoq.
- Elite Sport Greenland aamma Grønlandsbanken ukiorpassuit suleqatigiilluartarnikuupput, aningaaseriviullu tapersersuinerat tatiginninnerallu naleqartipparput. Ataatsimoorlutalu tatiginassusermik isumaqatigiissut ineriartortipparput, taannalu ukiut marluk atuutissaaq. Tamannalu timersornerup nunarsuaani piginnaasalinnut ineriartortsinissamut aamma Elite Sport Greenland-ip suliat aallartitaanut naammassisaqarnissamut ukkatarisaqarnissatsinnut periarfissiivoq, ESG-mi siulittaasoq Nikolaj Christoffersen tusagassiutinut nalunaarummi oqarpoq.
Minnerpaamik ukiut marluk tapersersuisuuniaraanni tatiginassusermik isumaqatigiissut suliffeqarfinniit atsorneqarsinnaapput, tamannalu suliffeqarfiup nittarsarluarneqarnissaanut periarfissiisarluni.
Tatiginassusermik isumaqatigiissut atatillugu Grønlandsbankip ilisarnaataa ESG atisaataani nunanut allanut unammisartut aamma timersortartut pikkorivissut atortagaanni ersissaaq.