Skip to main content

Elin Nilsson Hans Lyngep legatianik tunineqartoq

Elin Nilsson 80-iliinissani ullunik marlunnik sioqqullugu Hans Lyngep legatianik kajumissaataasumik tunineqarpoq

Elin Nilsson Kunst- og kulturcentret Tuskærimeersoq oktobarip 12-ani 2015-imi 80-iliissaaq. Tamanna iluatsillugu Hans Lyngep Aningaasaateqarfiata legatini kajumissaataasoq 10.000 koruuninik aningaasartalik tassunga tunniuppaa.

- Elin Nilssonip (siornatigut Balslav, aaqq.) qasusuilluinnarluni suliniuteqarsimanera 'kalaallit illuata' siulliup Holstebromi 1970-imi pilersinneqarneratigut kalaallinut inuusuttunut pingaaruteqarluinnartunngorpoq, siulersuisut siulittaasuat Inge Lynge allappoq.

Nammineerluni pilersikkaa

Elin Nilsson efterskolemi kalaallinik atuartulimmi ilinniartitsisutut aallartippoq, tamatumanilu inuusuttut qanittumi ilaqutaqaratillu ikinnguteqanngitsut feeriami sapaatip-akunneratalu naanerini immini katersortittarlugit.

- Inigisaali mikivallaalertorpoq. Kalaallit Nunaannut ministereqarfimmi isiginnittaaseq pisortatigoortoq tassaavoq 'kalaallit akuutinneqalissasut, illunut katersortinnagit', aningaasaateqarfiup kajumissaasiinerani allassimavoq.

Holstebrop borgmesteria paasinnilluarpoq kalaallilllu inuusuttut ornittagassaannik pilersitsinissaq tapersersorlugu.

Isiginnaartitsinermik ilinniarfik uini peqatigalugu aallartikkaa

Norgemiu isiginnaartitsisartoq Reidar Nilsson Holstebromi Odinteatretimut tikippoq, tassanilu Elin naapillugu nuliartaaralugulu. Kalaallinut isiginnaartitsinermik ilinniarfimmik pilersitsinissamik eqqarsaatit erininarsinngitsoq ineriartortinneqalerput.

- Tuukkaq Teatret Fjaltringimiittoq piviusunngortinneqarpoq. Tassani Reidarip kalaallinut isiginnaartitsinermik ilinniakkamik suliaqarneranut aallaaviulerpoq namminerlu kulturikkut qitiusoqarfimmik pilersitsilluni.

Kingorna kulturcentret Tuskær Tuukkap ungasinngisaanik nunaateqarfimmi pilersippaa. Taanna sumiiffittut asseqanngitsumik pinnissuseqartutut anersaaqarfiulluartutullu ineriartortinneqarsimavoq, eqqumiitsuliortorpassuarnillu allanit tappiffigineqalersimalluni.

Aningaasarpassuaateqarani ingerlalluarsimasoq

- Aningaasaqarneq amerlanertigut ajorluinnartarsimagaluartoq inuunermini suliassani upperilluinnarsimavaa aaqqiissutissamillu tamatigut nassaartarluni. Hans Lyngep taassuma Reidarillu suliaat nuannaarutigai malinnaavigalugillu, Hansillu toqunerata kingorna Elin saqqummersitsinissarsuarmik kingumut qiviarfiusumik "Isi Isuma - Øje og Tanke"-mik suliniuteqalerpoq, taannalu Tuskærimi aallartilluni Danmarkimi sumiiffippassuarni takutinneqarluni naggataatigullu Københavnimi illorsuarmi saqqummersitsivimmi Nikolajimi takutinneqarluni.

Hans Lyngep kajumissaataa legati qinnutigineqarsinnaanngilaq, siulersuisulli suliniuteqarnerisigut tunniunneqartarluni.

Aamma atuaruk: Amatørteatergrupper på kysten får startkapital

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER