piginnittoq nutaaq
Elektronikkinik tuniniaasartoq Pisiffimmit pisiarineqarpoq
Ilulissani Elgigantenimik ammaasoqarnissaa aamma sulissutigineqaleruttorpoq
Annonse
Pisiniarfik elektronikkinik tuniniaasartoq soqutigineqarluartoq Nuummiittoq Nota Bene Pisiffimmit pisiarineqarpoq.
Pisiffiup pisiniarfik marlunngorpamit akisussaaffigilissavaa. Pisiffik aamma Elgigantenimik ingerlatsisuuvoq.
- Qilanaaraarput Nota Benep ingerlannissaanut, aammalu kattunnermi Elgiganten-ip Nota Benelu immikkut iluaqutissartaasa atorluarnissaannut. Immitsinnut ilikkariarutta nukittussutsigut tamatta immikkut atorluassavagut, tamaasillutalu pisiniarfiit taakku marluk siuariartinnissaannut, Pisiffimmi pisortaaneq Jesper Bang tusagassiuutinut nalunaarummi allappoq.
Ilulissani Elgigantenimik ammaasoqarnissaa Pisiffiup nalunaarutigaattaaq, taannalu ukiup ingerlanerani ammarneqassaaq.