Eimskip Nuummi immikkoortortaqarfimmik ammaavoq

Eimskip Nuummi immikkoortortaqarfimmik ammaavoq septembarip aallaqqaataani. Royal Arctic Line aamma Eimskip junimi 2020-mi suleqatigiinnissamut isumaqatigiinnerannut atatillugu tamanna pivoq.

Nuummi allaffimmik ammaanermut atatillugu Kristine Lange Lyberth atorfinitsinneqarpoq, taanna Eimskip immikkoortortaqarfiani Kalaallit Nunaanni ingerlatsisuussaaq.

- Qilanaarutigisimaqaara Kalaallit Nunaanni Eimskip immikkoortortaqarfiani aallartinnissara, aammalu Nunarsuatsinnut niuernermik periarfissanik ammaassisuummat pissanganartillugu qilanaarisimavara. Nunatsinni sullitagut periarfissamut nutaamut ammaanneranut sullinnissaannut qilanaarpunga, Kristine Lange Lyberth oqarpoq.

Eimskip Kalaallit Nunaanni assartuineq qitiutippaa, aammalu immakkut timmisartukkullu assartuineq nukittuiffigalugu ingerlattareersimallugu, piginneqatigiiffiit SHIP-LOG A/S Danmarkimi immikkoortortaqarfeqartut aammalu TVG-Zimsen Islandimi immikkoortortaqarfeqartut atorlugit.

- Eimskip immikkoortortaqarfia Nuummiittoq, Kalaallit Nunaanniit aammalu Kalallit Nunaannut nunani allanut niuernermut immakkut, timmisartukkut aammalu assartuinermi kiffartuussinerit aallutarissavaat, umiarsuaatileqatigiiffik ilisimatitsivoq.

Nutaarsiassat

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...