Skip to main content

Hans Egedep eqqaassutissa: Atsiornernik katersinerit unammissutaasut

Nuummi Nuutoqqap qaqqajunnartaata qaavani Hans Egedep eqqaassutissaat qalipaammik aappaluttumik kuerarneqarsimanera oqallisaaqaaq. Maannalu atsiornernik katersineq ataasiaannajunnaarsimavoq, marlunngorsimallutilli.

Nuummi Hans Egedep eqqaassutissanik peerseqqusilluni ullut pingasut matuma siorna atsiornernik katersisoqalerneranut, inuit pingasut akerliullutik tallimanngormat atsiornernik katersineq aallartissimavaat.

Peqatigiifgiup eqqaassutissap inissisimaffimmiiginnarnissaanik siunniussaqartup atsiornernik katersineq nutaaq aallartissimavaa.

- Peqatigiiffitsinnit nalunaarutigissavarput, akuersaanngilluinnaratsigu peqataaffigerusunnagulu, Hans Egedep eqqaassutissaata peerneqarnissaa nuunneqarnissaaluunniit. Taamaammat Hans Egedep eqqaassutissaata Nuummiittup attatiinnarneqarnissaa pillugu atsiornernik katersineq aallartissimavarput, atsiornernik katersinermut tunngavilersuutaat taamatut nipeqarput.

Illoqarfimmut ilisarnaataasoq

Peqatigiiffik Nuummi Eqqaamasaneersut Orla Dalager, Poul Josefsen aamma Peter Stefani aaqqissuussamut atsiortuupput.

Orla Dalagerip Sermitsiaq.AG-mut erseqqissaatigaa, eqqaassutissaq illoqarfimmut ilisarnaataasoq, nunamilu innutaasorpassuit eqqaassutissamik nappaaqataasimasut.

- Kitaani tamarmi innuttaasorpassuarnit Danmarkimilu ilagiinnit katersineq aallartinneqarsimavoq. Nammineq aataqqeera Kangermi niuertorusiusimasoq, taamanikkut Nuummiittoq eqqaassutissamik qaqqajunnap qaavanut makuusseqataasimavoq, taanna oqaluttuarpoq.

Paasisinnaanngiliuk inoqarmat eqqaassutissap tassaniinneranik nuannarinngitsunik?

- 1700-kkunni ajortunik pisoqartarsimavoq, tamannali ullumikku sumut atussagatsigut. Suut tamarmik ajortuusimanngillat. Ullumikkut kuisittarpugut, apersortittarluta, katittarluta ilisaasarluttalu, taakkulu pinngitsoorsinnaanngilavut, Orla Dalager oqarpoq.

Amerlanerusunik atsiortitsinissaq qularinngikkaa

Atsiortinermi maannakkorpiaq 97-it atsiorsimapput, taakkunannga 73-it Kalaallit Nunaanneersuullutik. Atsiortitsisut allat atsiornernik 1250-inik pissarsisimapput, taakkunanili atsiornerit suminngaanneernersut takuneqarsinnaanngilaq.

Orla Dalagerip qularinngilluinnarpaa, eqqaassutissaq atuutsiinnarniarlugu taakkunanit amerlanerusunik atsiortitsiumaarlutik.

- Aap, angussaqqaarparput. Isumaqataasunit saaffiginnittorpassuaqarsimavoq, taamaammat qularinngilara amerlanerusunik atsiortitsinissarput, taanna oqarpoq.

Atsiornernik katersineq malinnaaffigiuk UANI

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER