Skip to main content

Hans Egede pillugu erfalasulerneq

Kim Kielsen taarsikkaminut sanilliuni ullunik pisortatigoortumik erfalasulerfinnik ikililerinissamut pilersaaruteqanngilaq.

Qalipaat Erfalasorpulluunniit?

Piffissami matumani ajoqersuartortitaq Hans Egede pillugu isumaqatigiinngittoqartorujussuuvoq.

Aviisi Sermitsiaq taama allappoq.

Sapaammi juunip 21-ni inuiattut ullorsiornitsinni Kalaallit Nunaata appostoliata eqqaasiutissaa, Nuummi Nuutoqqami qattunermi nappaarilluni inissisimasoq qalipaammik kuineqarpoq.

Ullumikkullu juulip pingajuani Hans Egedep ullua malunnartinniarlugu Kalaallit Nunatsinni pisortat erfalasulerfiini tamani Erfalasorput amuneqarpoq. 

Erfalasumik amusinikkut Kalaallit Nunaanni oqartussat ukiut 299-erpiaat matuma siorna Hans Egedep ilaqutaasalu Nuup avataani nunaqarfiusimasup Kangerup qanittuani Illuerunnernut tikinnerat nalliuttorsiutigaat.

Allattorsimaffik nutarterneqassasoq 2014-mi nalunaarutigineqartoq

2014-mili inuiattut ullorsiornitsinni taamanikkut naalakkersuisunut siulittaasup Aleqa Hammondip, Siumumeersup, ullunik erfalasulerfinnik nutarterisoqarnissaa nalunaarutigaa.

– Ullut kalaaliusugut ullorsiorfigisartakkavut nalliussinissaat pikkoriffiginerulertariaqarparput, akerlianillu ullut qangaanilli erfalasulerfiusartut ullumikkut kalaallinut isumaqarpallaarunnaarnikuupput. Ullut erfalasulerfiit oqallisigalugit aallartinnissaannut qilanaarpugut, Aleqa Hammond ukiut arfinillit matuma siorna oqarpoq.

Oqallittoqanngitsoorporli.

Aleqa Hammond 2014-mi ukiakkut Naalakkersuisut siulittaasuattut Siumullu siulittaasuatut Kim Kielsenimit taarserneqarpoq.

Sermitsiallu Hans Egedep juulip pingajuanni ulluanut atatillugu ullut erfalasulerfinnik nutarterinissatut oqaatigineqartup qanoq ingerlanera Kim Kielsenimut apeqqutigaa. Apeqqutivulli Ilinniartitaanermut, kulturimut ilageeqarnermullu naalakkersuisoqarfimmut ingerlateqqinneqarput, naak Kim Kielsenip siuliata Hans Enoksenip ullunik erfalasulerfinnik allattuiffik atulersikkaluaraa, Kim Kielsenillu paarlataata Aleqa Hammondip ullunik erfalasulerfinnik nutarterinissaq kalerriutigigaluaraa.

Aviisimi Sermitsiami ullut erfalasulerfiusut pillugit atuarnerusinnaavutit:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER