Skip to main content

Efterskolimi naammassinnittartut amerlanerusut

Ukiumi atuarfiusumi 2018/19-imi Kalaallit Nunaanni Danmarkimiluunniit efterskolernermik aallartitsisimasut 443-usimapput, taakkunannga 355-it atuarnertik naammassivaat

Inuusuttuaqqat nunatsinni efterskolertartut ukioq atuarfiumik naammassinnittartut ukioq kingullermit sanilliullugu amerlanerupput.

Qasigiannguani Efterskole Villads Villadsen-imi naammassinnittarnermut procenti ukiuni kingullerni marlunni qaffassimavoq, ukiumilu atuarfiusumi 2018/19-imi 79 pct.-inik annertussuseqarpoq. Ukiuni tulleriinni arlalinni naammassinnittarnermut procenti appasittarsimagaluarpoq, 2016/17-imilu 55 pct-imiilluni appasinnerpaasimalluni.

Maniitsumi Efterskoli-mi atuartut 65 pct.-iisa efterskolernitik naammassisimavaat. 2013/14-imi Maniitsumi Efterskoli-mi naammassinnittarnermut procenti48 pct.-imiilluni appasinnerpaasimavoq, taamanerniilli 17 pct-inik qaffassimalluni., Naatsorsueqqissaartarfiup kisitsisaatani kingullermi takuneqarsinnaavoq.

100-t ataallugit uniinnartut

Taamaattoq Danmarkimut efterskoleriartortartut ukioq atuarfiusoq amerlanerusut naammassivaat.

Kalaallit Nunaanni efterskolinut sanilliullugit qallunaat efterskolii qaffasinnerusumik naammassinnittarnermut procenteqarput, naammassinnittarnermullu procenti 2018/19-imi 85 pct.-iuvoq.

Nunatsinni Danmarkimilu efterskolertut ukioq atuarfik 88-it naammassinngitsooraat kisitsisit ersersippaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER