Efterskolertut ikinnerusut
Danmarkimut efterskoleriarnissamut kajumissutsimut corona annikillisitsinnguatsiarpoq, tassani ukiut atuarfiusut marluk kingulliit nalinginnaasumit allaanerujussuupput.
Ukiut marluk kingulliit Danmarkimi efterskolernissamut tapiissutinut qinnuteqartut malunnaatilimmik ikinnerupput.
Ukioq manna atuartut 156-it efterskolernissamut tapiissutinik pissarsipput, siornalu ukiumi atuarfiusumi 20/21-mi 189-it Danmarkimi efterskolernissamut Namminersorsorlutik Oqartussanit tapiissuteqarfigineqarlutik.
Aviisi AG taama allappoq.
Tamanna ukiunit “nalinginnaasunit” appariarneruvoq, tassani efterskolemi atuartut 260-it aamma 299-it akornanniittarput, meeqqat ukioqatigiit qanoq amerlatiginerat apeqqutaalluni, ilinniartitaanermut inspektøri Brita Toft Hyldgaard Ilinniartitaanermut Aqutsisoqarfimmeersoq taama ilisimatitsivoq. Coronaqanngikkallarmat efterskolimi atuartut ukiumi atuarfiusumi 19/20-mi 281-iupput.
- Ukiut marluk kingulliit immikkuullarilluinnarsimapput, Brita Toft Hyldgaard oqarpoq, Danmarkimilu efterskolini atuartut nunarsuaq tamakkerlugu tunillaassuuttoqarnerani malittarisassarpassuit malissimagaat aamma oqaatigaa.
Aviisimi AG-mi atuarnerusinnaavutit. Aviisi uani pissarsiariuk: