Skip to main content

Efterskolernerit coronamit sunnerneqarsimasut

Kisitsisit nutaat takutippaat, ukiup atuarfiusup ingerlanerani Danmarkimi efterskolernerit aallartinneqarsimasut 42 pct.-ii unitsiinnarneqarsimasut, Kalaallillu Nunaanni aamma efterskolernerit 61 pct.-ii unitsinneqarsimallutik.

Efterskolemi atuartorpassuit siorna atuarnertik coronap nunarsuaq tamakkerlugu tuniluunner pissutigalugu unitsiinnarsimavaat, qanorlu amerlatigisut unitsitsiinnarsimanerat Naatsorsueqqissaartarfiup maanna kisitsisaatigilerpai.

Kisitsisit takutippaat, Danmarkimi efterskolernerit aallartinneqarsimasut 42 pct.-ii unitsiinnarneqarsimasut, Kalaallillu Nunaanni efterskolernerit 61 pct.-ii unitsinneqarsimasut.

 

Efterskolernerit aallartinneqarsimasut ataatsimut katillugit 432-upput, 211-llu unitsinneqarsimallutik.

Naammassinnittartut ikileriarujussuarsimasut

Kisitsisit taakku ukiunut kingullernut sanilliullugu allaaneroqaat:

- Taamaasilluni ataatsimut naammassinnittarnermut procenti 51 pct.-imiilerpoq, ukiuni kingullerni 75 aamma 80 pct.-it akornanniissimangaluartoq, Naatsorsueqqissaartarfik allappoq.

Naartsorsueqqissaartarfimmit titartagartaliussaq

2019-imi 432-t efterskolerlutik aallartissimasut 2018-imisulli amerlatigingajapput.

Ukiorli manna allaanerulluinnarpoq, ikinneerarsuillu Danmarkimi efterskolerusussimallutik.

Sermitsiaq.AG-mit aggustip qaammataani oqaluttuarineqarpoq, Ilinniartitaanermut Aqutsisoqarfimmit nalunaarsorneqarsimasoq, Danmarkimi efterskoleni ukiakkut aallartittussat 33 procentimik ikileriarsimasut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER