Efterskoleni atuartut lejrskolemi katersorneqartut
Danmarkimi efterskoleni kalaallit atuartut ilinniartitaanermut aqutsisoqarfimmit Thyp lejrskoliani paaqqutaritinneqalerput
Namminersorlutik Oqartussat Galtrup Efterskole suleqatigalugu, kalaallit efterskolemi atuartut Damarkimit ingerlariaqqissinnaanngitsut, coronap ajornartorsiutaanerani paaqqutarineqarnissaat aallartippaat.
Efterskolit sapaatip akunnerata ataatsip matuma siorna matunearput, atuartullu Danmarkimi ilaqutariinnut attaveqaatigisaminnut taamaammat angerlartinneqarlutik, efterskoleni atuartut amerlanersaat ilaqutariinnik attaveqaateqartarput.
- Ilaqutariilli tamarmik sapaatip akunnerini arlalinni inuusuttuaqqamik paaqqutarinninnissamut nukissaqanngillat – tamannalu tunngaviuvoq pinasuartumik paaqqinnittarfiusinnaasumik pilersitsinitsinnut, Jens Hvid fra Galtrup Efterskolemi forstanderi Jens Hvid oqarpoq.
Ulloq unnuarlu perorsaasunik sulisoqassasoq
- Langbjerggaard Lejrskole Thymiittoq attartorsimavarput – perorsaasutullu sulisutta ilaat lejrskolemut nuussimavavut. Neqeroorutigaarput sulisut perorsaasutut ilinniagallit minnerpaamik marluk ulloq unnuarlu sulisarnissaat, taakku atuatunik sammisaqartitsisarlutillu ilinniartitsisassaput.
Lejrskole avinngarussimasumi imaanut qanittumi inissisimavoq, atuartut tunillatsinnginnissaat anguniarlugu.
Efterskoleni atuartut saniatigut oqaatsinik ilinniarfinni atuartut paarlaasseqatigiillutillu ilinniartut, nunanit allanit Danmarkimut tikittut tassani paaqqutarineqassapput.
Isumannaallisaasoqartoq
- Isumannaatsuunissaalli eqqarsaatigalugu, taakku immikkoortillugit inissinneqassaput, Jens Hvid Galtrup Efterskolemi kalaallinik 30-nik atuartuuteqartoq oqarpoq. Neqeroorulli atuartunut taakkununnga atuutsinneqanngilaq, taakkumi ilaqutarinnik attaveqaateqanngimmata.
Efterskole taakkununnga attaveqaataavoq. Efterskolemi atuartut taakku 30-t ajunngillat nalinginnaasumillu atuartinneqarlutik, forstanderi atuartut paaqqutarineqartarnerannut attuumassuteqanngitsoq nassuiaavoq.
- Isumannaallisaanissaq eqqarsaatigalugu, assigiinngitsunik ilinniagallit taakku immikkoortilluinnartariaqarpavut.
Nalinginnaasumik kalaallit 280-it Danmarkimi efterskolertarput. Taakku ilarpassui timmisartukkut angallassisarnerit unitsinneqannginneranni Kalaallit Nunaannut angerlarsimapput. Galtrup Efterskolemi atuartut 30-t saniatigut atuartut 60-it missaanniittut suli Danmarkimiipput.
Paaqqutarineqarnissaannik neqeroorut Danmarkimi Kalaallit Illui aqqutigalugit atuartut angajoqqaavinut nassiunneqarsimavoq.
Paaqqutarinninnissaq ualeru nalunaaqutaq sisamanut aallartissaaq, neqeroorulu apriilip 13-iata tungaanut atuukkallassalluni.