Dunkinik uuliat puukuinik utertitsisalerneq iluatsitsiffiulluartoq

Polaroilimi Pilersuisumilu perrassaatit puui Texacomeersut pisiassaasartut utertinneqartarneranni nalunaarsuinerup kingulliup takutippaa, utertitsisalerneq inuiaqatigiinnit tigulluarneqarsimasoq.

Qaammammi uani perrassaatit puuinik utertitsisut aatsaat taamak amerlatigipput, tassa nunarput tamaat isigalugu utertitat katillugit 3.169-iugamik, qaammatillu siuliani perrassaatit puui Texacomeersut utertinneqartut 1.406-iusimallutik.

Taamaalillutik, aaqqissuussaq ukiup affaa matuma siornali aallarnerneqarmat, puukut utertin-
neqartut katillutik 8.627-inngorput, utertinneqartullu piffissami tassani perrassaatit pisiarine-
qartut amerlassusaannut naapertuulluarput, KNI tusagassiorfinnut nalunaaruteqarnermi ilisimatitsivoq.

- Plastikkit puukuinik utertitsisalerneq, ’KNI qorsuunerusoq’ iluaniittoq, ingerlalluaqaaq, piffissamilu tassani, utertinneqartut tunineqartunut sanilliussagaanni, angorusutaq malillugu ingerlasoqarpoq, tassa perrassaatit puui Texacomeersut pinngortitamut iginneqarsimasut kater
sorneqarsimapput, utertitsisalernerlu nunatsinnut aamma saligaannerulersitseqataavoq, Polaroilimi pisortaq Githa Brask Olsen oqarpoq.

Dunki ataaseq tre koruuninnassutaasartoq

Texacomiit perrassaatit puui aningaasanik nalillit utertinneqarsinnaasut tassaapput perrassaatit 1-, 4- aammalu 5 literikkaat, Pilersuisumi Polaroilimilu pisiassat. Dunkeq ataaseq utertikkaanni 3 koruuninnassutaassaaq, kisianni Polaroilimi Pilersuisumilu perrassaatinik Texaconik pisigaanni puui qaavatigut akeqanngillat.

Perrassaatit puukui allat aamma utertinneqarsinnaapput, taakkuli aningaasanik naleqassanngillat.

Puut imaqanngitsut piffissami qaninnermi ikuallaavimmut nassiunneqartalissapput, taannalu pisinnaalissaaq ilitsersuut piareeriarpat puullu uuliamut akiuussinnaasut tiguneqariarpata.

Powered by Labrador CMS