Dundas Titanium piiaanissamut akuersissummik pingajalersoq
Naalakkersuisut siulittaasuat Kim Kielsen kisimiaalajangiisinnaasuuppat, taava aatsitassarsiortitseqatigiiffikDundas Titanium ukiortaartinnagu Moriusamitilmenitimik piiaanissamut akuersissummik pissaaq.Aatsitassarsiortitseqatigiiffik nunani tamalaanisaffiugassanik pisisartumut isumaqatigiinnialeruttorpoq.
Naalakkersuisut siulittaasuata Kim Kielsenip Inatsisartuni ammaanersiorluni oqalugiaammini oqaatigaa, aatsitassarsiortitseqatigiiffiup Dundas Titaniumip ukiup naannginnerani piiaanissamut akuersissummik pissarsisinnaanissaa ilimagineqartoq.
– Pilersaarut nutaaq isumalluarnartorlu tassaavoq, Dundas Titaniumip Moriusami Avanersuarmiittumi ilmenitimik piiaanissamut pilersaarutaa qanittukkut aallartinneqartussaq. Aatsitassarsiortitseqatigiiffimmut ukioq naatinnagu piiaasinnaanissamut akuersissummik tunniussinissarput naatsorsuutigaarput, oqaluttarfimmit taama oqartoqarpoq. Aviisi Sermitsiaq taamatut allappoq.
Dundas Titanium, Bluejay Miningip Kalaallit Nunaanni pigisaraa, taassuma piffissami sivitsortumi saffiugassaq titaniumitalik ilmenit Moriusap eqqaani, Amerikamiut sakkutooqarfiannit 40 kilometerinik ungasissusilimmiittoq misissugarisimavaa.
Innuttaasunik ataatsimiitsitsisoqarsimasoq
Pilersaarutip avatangiisinut sunniutissai aamma inuiaqatigiinnut iluaqutissartai tusarniaassutigineqareerput. Ukiassariartornerani Qaanaami, Savissivimmi aamma Ilulissani innuttaasunik ataatsimiititsisoqartarpoq.
Suliap ingerlanneqarnera siunissamut isigaluni ingerlanneqarpoq, apeqqutillu tusarniaanermi akissutigineqartut ilanngullugit sukumiisumik nalunaarusiortoqaleruttorpoq, taannalu tamatuma kingorna Avatangiisinut Aqutsisoqarfimmi ilisimatuunit siunnersortaasunit oqaaseqarfigineqassalluni.
Allaaserineqartoq aviisimi Sermitsiami tamakkiisumik atuaruk. Aviisi uani pisiarineqarsinnaavoq: