Dronningi: Trumpimut qaaqqusissut suli atuuppoq

USA-mi præsidenti Danmarkimut tikeraarnissamut suli tikilluaqqusaasoq Dronning Margrethe oqarpoq

Donald Trumpip Danmarkimut tikeraarnissani unitsiinnarnikuugaluaraa suli tikeraarnissaanut qaaqqusissutaa atuuttoq dronning Margrethe TV2-mut oqarpoq.

- Tikeraarnissap unitsiinnarneqarnissaanut peqqutaasut assigiinngitsuusinnaapput, taamaattoq pilersaarutit allanngortinneqarsinnaapput kingusinnerusukkullu tikeraartoqarsinnaalluni.

- Tikeraarnissamut suli periarfissaqassasoq naatsorsuutigaara, qaaqqusissummi suli atuuppoq, dronning Margrethe oqarpoq.

USA-mi præsidenti Danmarkimut tikeraartussaagaluarpoq, septembarip aappaanit pingajuat ilanngullugu Danmarkimiittussaagaluarluni.

Statsminister Mette Frederiksenip Kalaallit Nunaata tunineqarsinnaanera itigartitsissutigimmagu Donald Trumpip tikeraarnissani taamaatiinnarpaa.

Powered by Labrador CMS