ukiortaaq
Dronningip ukiortaami oqalugiaataa
Kalaallit Nunaannut ukiortaami qamannga pisumik pilluaqqusivoq
Danskinit aarlerigineqartut, ingammik Danmarkimut qimaasunut tunngasut Dronningip Christian IX-p illussaarsuani Amalienborgimiittumi oqalugiaammini ilaatigut eqqartorpai. Ukiumilu nutaami qaniginerpaasani ilagalugit ukiuni 50-ni katiffissiornini malunnartissallugu oqaatigalugu.
- Ernigut, ukuagut ernuttagulu kisiisa ilagissallugit aalajangiunnikuuarput, dronningi oqarpoq.
Kalaallit Nunaat inuulluaqquaa
Amalienborgimi oqalugiarnermit Kalaallit Nunaat aamma inuulluaqquneqarpoq.
- Kalaallit Nunaata soqutigineqaleraluttuinnarneran ukioq manna aamma malugisimavarput. Pinngortitarsuaq kusanarluinnartoq takornarianik ungasissumeertunit qanittumeertunillu tikerarneqarpoq. Pinngortitaq Kalaallit Nunaata kisiat erlinnartuutigaa Kalaallit Nunaalli navianartorsiuleqqavoq. Silap pissusiata allanngoriartornera malunnarsiartorpoq nunanillu allanit Kalaallit Nunaannut soqutigininnermut nassataqarluni. Unammilligassat eqqumaffigaakka, dronningi oqalugiaarnermini ilaatigut oqarpoq.