Dronningip Nuummut tikeraarnini aallartippaa
Dronningi nalunaaquttap ataatsip missaani Nuummi timmisartoqarfimmut mippoq.
Dronning Margrethe ulloq unnuarlu nallingajallugu Ilulissaneereerluni Nuummut tikippoq.
Dronningi Ilisimatusarfimmut pulaaqqaassaaq, tassani kristumiuussutsip Kalaallit Nunaani atuutsinneqalerneranit ukiut 300-nngornerata malunnartinneqarneranut peqataassalluni.
Malunnartitsinermi Hans Egede pillugu atuakkiaq "Upperisaq inuiaqatigiillu Hans Egedep tikinneranit ukiut 300-t qaangiunneranni" dronningimut tunissutigineqassaaq.
Atuakkiaq Aarhus Universitetsforlagimit saqqummersinneqarpoq Dronning Margrethes og Prins Henriks Fondimit, Namminersorlutik Oqartussanit aamma Ilisimatusarfimmi atuakkanik saqqummersitsinmutissa aningaasaateqarfimmit aningaasaliiffigineqarluni, pisortatigoortumik pisussat pillugit pilersaarummi allassimavoq.
Arfininngornermi unnukkut dronningi kulturikkut illorsuarmi Katuami nereqataassaaq. Naalakkersuisut Siulittaasuat Múte Bourup Egede (IA) dronningi ataqqiniarlugu pisortatigoortumik nereqatigiissitsissaaq. Nereqatigiinnermi Dronningi Naalakkersuisullu Siulittaasuat oqaaseqassapput.
Nuummut tikeraarnermi pisussat:
Arfininngorneq nal. 9.30 Ilulissat Katersugaasivianut pulaarneq
Nal. 15.45 Nuuk – Ilisimatusarfimmut pulaarneq
Nal. 18.30 Katuami pisortatigoortumik nereqatigiinneq
Sapaat nal. 9.30 Nunatta Katersugaasivianut pulaarneq
Nal. 10.30 Eqqaassutissaliineq
Nal. 10.45 Kommuneqarfik Sermersuumit tikilluaqqusaaneq
Nal. 13.00 Hans Egedep Oqaluffiani biskoppinngortitsineq
Nal. 15.00 Katuami kaffillerneq
Nal. 16.00 Hans Egedep Illuani tusagassiortunik katersortitsineq
Kl. 19.00 Nal. 19.00 Biskoppip Hotel Hans Egedemi nereqatigiissitsinera
Dronningip ataasinngorpat Pituffik tikeraassavaa, marlunngorpallu Station Nord tikeraassallugu.