Skip to main content

Dronningip illoriit juullisioqatiserai

Marselisborg Slot-imi orpiup ataani tunissutissarpassuaqassaaq. Dronningip ilaquttani juullip unnukkuani katersortissavai

Dronning Margrethe aamma prins Henrik juullikkunni tikeraartorpassuaqassapput.
Kunngikkunni attaveqaqatigiinnermut pisortap Lene Balleby-p Ritzau-mut oqaatigaa kunngikkut juullip unnukkuani ilagissagaat kunngissakkut qitornaallu sisamat.
Aamma prins Joachim aamma prinsesse Marie ataatsimut qitornatik marluk ilagalugit Aarhusimukassapput.
Taamaasilluni orpiliartussat 12-iussapput.
Inersimasut arfinillit, aammalu prins Christian, Isabella aamma marlulissat Josephine aamma Vincent, angajoqqaatik kunngissaq Frederik nulialu Mary ilagalugit Amalienborgimit takkutissapput, prins Henrillu najaalu Athena Schackenborgimit takkutissapput.
Meeqqalli illutik angajulliit marluk, Nikolaj 14-inik ukiulik aamma prins Felix 11-nik ukiulik ilagissanngilaat, taakku ukioq manna anaanartik grevinde Alexandra uialu Martin Jørgensen juullisioqatigissammatigit.
Juullisiorneq kunngikkut nammineq pigisarpaat, taamaattumik kunngikkut qanoq juullisiornissaannik paasissutissaqarpianngilaq.
Ileqqoraalli ilaqutariit juullip unnukkuani Aarhus Domkirkemi naalagiartarnerat, ukiuni siuliinisut biskop Kjeld Holm naalagiarnerit marluk aappaanni oqaluussissalluni.
Ukiorpassuarni dronningi Marselisborg Slot-imi juullisiorusuttarsimavoq, ataasiakkaatigulli ileqqoq atorneq ajorpaat, soorlu kunngikkut siorna prins Joachim-ikkunni Schackenborgimi juullisiormata.
Taamani kunngissaq Frederik nulialu Mary peqataanngillat, taakku Amalienborgimi juullisioramik.
Ukiup siuliani aamma taamaassimavoq, taamanikkut kunngissap nulia naartummat. Taamaasillunilu Josephinep Vincentillu siullermeersumik aanartik aatartillu orpiliaqatigissavaat.
Kunngikkut juullimi ferialissapput decembarip 21-anni, Amalienborgimit Marselisborgimut nuukkunikk.
Aatsaat ukiutoqqap siuninngua dronningi Københavnimut utissaaq, decembarip 31-ianni Christian IX´s Palæ-mit ukiortaami oqalugiarnissani piareersariartorlugu.
Aqaguani kunngikkut ukiortaami ilassinnissapput kingornalu ilaatigut naalakkersuisuni ministerit nereqatigissallugit.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER