Dronningi: Kalaallit Nunaanni ullunut misigisaqarfiulluartunut qujanaq
Dronning Margrethe Kalaallit Nunaannut ukiakkut tikeraarnermini innuttaasunit tikilluaqquneqarluarsimanini pillugu, ukiortaami oqalugiummini qujassuteqarpoq.
Dronning Margrethe ukiortaami oqalugiarnermini Kalaallit Nunaannut oktoberimi tikeraarami kissalaartumik ajunngitsumillu tikilluaqquneqarsimanerminut qujassuteqarpoq.
Dronningip tikeraarnissaa siullermik pilersaarusiorneqarpoq 24. julimiit 5. august pissasoq. Nunatsinnili coronavirusip tunillaassuunnera pissutigalugu tikeraarneq oktoberimi, ulluni ikinnerusuni pisussanngorluni aatsaat naammassineqarpoq:
- Kalaallit Nunaannut aasaanerani tikeraarnissara nuannaarlunga qilanaarisimavara, tassanili coronavirus aamma akornutaavoq. Tikeraarnissaq amerlasuunik pisoqarfiusussatut pilersaarusiugaasimasoq sivikinninngorlugu aatsaat ukiakkut naammassineqarpoq, siger Dronning Margrethe i sin nytårstale.
Tikeraarnerminili misigisat puigunaatsut pillugit nuannaaruteqarpoq:
- Oktobarimili ullut ikikkaluartut nuannersunik misigisaqarfiupput, taamaattoqarneranullu uummammik pisumik qujavunga. Tikitanni kissalaartumik ajunngitsumillu naapinneqartarpunga, tamannalu killitsinnarpoq. Ullunut misigisaqarfiulluartunut qujarusuppunga, Kalaallit Nunaanniittullu tamaasa ukiortaami ajunnginnerpaamik kissaallugit.