Dronningi nunatta rubinianik tunissutisisoq
Dronningi nalliuttorsiornermini ujamminik nunatta rubiniatut ilusilersukkamik Kalaallit Nunaanni innuttaasunit tunissuteqarfigineqarpoq.
Annonce
Naalakkersuisut aamma Inatsisartut kalaallit innuttaasut sinnerlugit Ataqqinartorsuup Dronning Margrethep Dronningitut ukiunik 50-inngortorsiorluni nalliuttorsiornerani ujamminik nooqutartalinnik kusanartunik tuniniarlugu aalajangersimapput. Naalakkersuisut tusagassiorfinnut nalunaaruteqarlutik allapput.
Tunissut tassaavoq puiaasaq flakonitut ilusilik qaava nunatta rubiniatut ilusilersugaq taavalu nunatta kuultianik sanaamik similik. Rubinip qaava nunatta kuultianik sanaaq timmissap niaquatut iluseqarpoq. Ujamittai aamma nunatta kuultianit sanaajupput.
Ujammit nooqutallit kuultinik saffiortumit Bodil Binnerimit sanaajupput. Naja Abelsenip atuakkiaa, ujammit pillugit oqaluttuassartalik, ujamminut ilanngullugu tunniunneqarpoq.