Dronningi Ilulissanut tikippoq
Dronningip Kalaallit Nunaannut tikeraarnini tallimanngornermi ullup-qeqqanut allartippaa.
Annonse
Dronning Margrethe ulluni tallimani pisortatigoortumik namminerlu inuttut tikeraarluni ullup-qeqqanut seqinnarissuusoq tikippoq.
Tallimanngornermi ilaatigut Naalakkersuisut Siulittaasuat Múte Bourup Egede borgmesterilu Palle Jerimiassen peqatigalugit Kangiata Illorsua pulaassavaa kiisalu kangia tusaamasaaqisoq takuniarlugu angalassalluni.
Borgmesteri Palle Jerimiassen dronningip Ilulissanut tikeraarneranut atatillugu unnugu nereqatigiissitsissaaq.
Dronningi arfininngorpat Nuummut ingerlaqqissaaq.
Tikeraarnermi pisussat:
- Tallimanngorneq nal. 12.30 Ilulissanut tikinneqt
- Nal. 13.30 Kangiata Illorsuanut pulaarneq
- Nal. 15.40 Kangianut angalaneq
- Nal. 18.00 Hotel Arcticimi nereqatigiinneq
- Aarfininngorneq nal. 9.30 Ilulissat Katersugaasivianut pulaarneq
- Nal. 15.45 Nuuk – Ilisimatusarfimmut pulaarneq
- Nal. 18.30 Katuami pisortatigoortumik nereqatigiinneq
- Sapaat nal. 9.30 Nunatta Katersugaasivianut pulaarneq
- Nal. 10.30 Eqqaassutissaliineq
- Nal. 10.45 Kommuneqarfik Sermersuumit tikilluaqqusaaneq
- Nal. 13.00 Hans Egedep Oqaluffiani biskoppinngortitsineq
- Nal. 15.00 Katuami kaffillerneq
- Nal. 16.00 Hans Egedep Illuani tusagassiortunik katersortitsineq
- Nal. 19.00 Biskoppip Hotel Hans Egedemi nereqatigiissitsinera
Dronningip ataasinngorpat Pituffik tikeraassavaa, marlunngorpallu Station Nord tikeraassallugu.