Skip to main content

Dronningi: Aasamut tikeraarnissatsinnut qilanaaqaagut

Dronning Margrethep 75-iliineranut atatillugu ataqqinartorsuaq ataasinngornermi tusagassiortunik katersortitsivoq. Tassani dronningip oqaatigaa ukioq manna Kalaallit Nunaannut angalanissartik qilanaareqalugu

Sisamanngorpat aprilip 16-iani ataqqinartorsuaq dronning Margrethe 75-inik ukioqalissaaq, tassungalu atatillugu kunngikkormiut illorsuat ataasinngornermi ualigaa qaqutigoortumik tusagassiortunik katersuutitsipput, ‘Havesalen’imi Fredensborg Slotimi Sjællandip avannaaniittumi ingerlanneqartumik. Danskit tusagassiiviisa arlallit TVikkut toqqaannartumik katersuutitsineq aallakaatippaat, tassanilu Sermitsiaq.AG apeqqummik ataatsimik dronningimut aperinissaminik periarfissinneqarpoq. 

Prinsgemali uangalu qilanaaqaagut Kalaallit Nunaata takoqqinnissaanut. Inuppassuit takusartakkavut takoqqinnissaat qilanaaraarput, dronning Margrethe Sermitsiaq.AG-mut oqarpoq.

Dronningip siunitsiannguaq nalunaarutigaa prinsgemali influenzamik napparsimalersimasoq, taamaammallu apersortinnermi peqataasinnaanngitsoq.

Kunngikkormiut aappariit kunngip umiarsuaanut Dannebrogimut ilaallutik Kalaallit Nunaat julip 9-ianit 23-iata tungaanut angalaffigissavaat, dronningillu ukiumi qaffasinnerat misigisassanut nutaanut pissanganartunut akornutaannginnissaat  tusagassiortunik katersortitsinermi neriuutigalugu oqaatigaa. 

Assit takukkit: Dronningi Aarhusimi nersorniarneqartoq

Misigisassat pissanganartunik neriuuteqarpoq
- Kalaallit nunaannut tikinnerit tamarmik nuannertarput. Qilanaarpunga assamut tikeraarnissatsinnut, neriuutigaaralu misigisassat pissanganartut ajunngitsullu aqqusaassagivut. Neriuppugut takoqqinneq tamatsinnut nuannersuussasoq, dronning oqarpoq.

Kunngikkormiut siullermeerlutik aasami angalanerminneq naalagaaffeqatigiit immikkoortortaat tamakkissavaat. Kalaallit Nunaaliarsamaarnermi saniatigut aamma Savalimmiunut angalanissaq pilersaarutigaat junip 15-ianiit 19-iata tungaanut. 

- Savalimmiuliarnissarput aamma qilanaaraarput. Aatsaat siullermeerluta immikoortut taakku marluk angalaffigissavagut aasami ataatsimi, dronning oqarpoq.

Kunngikkut umiarsuaat Dannebrog aasaq 2015 naalerpat Danmarkimi illoqarfiit arlallit angalaffiginiarlugit aamma pilersaarput.

Dronningip apriilip 16-ani 75-iliineranut atatillugu AG dronning pillugu sammisaqassaaq. Aviisi apriilip 15-ani saqqummissaaq akeqanngitsumillu pdf-ikkut aaneqarsinnaassalluni

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER