Dronning Elizabeth inuuissiortoq
Dronning Elizabeth inatsisit 3.500-nit ikinnerunngitsut atsiorsimavai USA-milu præsidentit aqqanillit naapissimallugit.
Tuluit Nunaata dronningia Elizabeth, nunarsuarmi kunngeqarfik sivisunerpaamik issiasimasoq, ullumi sapaammi 93-nik ukioqalerpoq.
Dronningi ukiut 67-it sinnerlugit issiasimasoq, påskip ulluanni oqaluffimmi St. George's Chapelimi naalagiaqataassaaq.
Inuuissiornera malunnartinniarlugu sakkutuut peqataassapput aammalu Buckingham Palace, Windsor Great Park kiisalu Tower of London eqqaani qamutilittartoqassalluni.
Dronning Elizabeth 25-nik ukioqarluni dronninnginngorpoq.
Sivisunerpaamik issiasimasoq
2015-mi aanaqqiuni dronning Victoria sivisunerpaamik issiasimasoq qaangerpaa.
Dronningi ministeriuneq 14-it aqqusaarsimavai. Dronninnginngortinneqarnerani Winston Churchill Downing Street 10-mi najugaqartoq ministeriuneruvoq.
Taassuma dronnginngiunerata nalaani USA-mi præsidentit aqqanillit naapissimavai.
Dronning Elizabethip inatsisit 3.500-nit ikinnerunngitsut atsiorsimavai.