Atortut elektroniskiusut
Dronit aamma biilit piumaneqaqisut
Nuummi Notabenemi pisisartut 45-t dronemik kaasarfimmiorineqarsimasumik pisaarusullutik utaqqisunut allatsissimapput. Aamma piffissami matumani biileeqqat ungasianit aqunneqartartut soqutigineqaqaat
DJI Mavic Pro, tassaavoq dronep peqiterneqarsinnaasup aqqa, taamaattup inuup timaata pissusai atuarsinnaavai aalasunullu malinnissinnaalluni.
Assatit is-soqqaarissunngorlugit inissikkukkit sekundialuit qaangiunneranni dronep nammineerluni assilissavaatit.
Talitit V-mik isikkoqalersillugit qaffarukkit, dronep ilisaralutit aalariaatsitit malilissavai.
Piumaneqarluartut
Drone eqqoqqissaartumik missinnaassuseqarpoq, taamaattumik timminerminik aallartiffigeqqissaakkaminut missinnaavoq. Drone 4 kilometerinik timmisinnaassuseqarpoq aamma sarfalersornermi ataatsimi minutsinik 27- nik timmisinnaalluni.
Piginnaasat taakkua allarpassuillu pissutigalugit immikkut ittumik pilerigineqarpoq, taamaattumik piffissami matumanerpiaq pisisartut 45-t DJI Mavic Pro-mik pisaarniarlutik utaqqisut allatsissimaffianniipput, Kenneth Kleist, Nuummi Notabenemi pisortaq oqaluttuarpoq.
– Taassuma angallattagaanera pissutigalugu soqutiginarpoq. Kaasarfimmiorsinnaavat angallammut illuaqqamulluunniit nassarsinnaavat. Ataatsimilluunniit taanna pillugu ussassaarisimanngilanga taamaakkaluartoq amerlasuunit pisiarerusunneqarpoq, aamma akikinngilaq, Kenneth Kleist pilerigineqarneranik tupaallassimanngitsoq oqarpoq.
Dronit saniatigut ullumikkut Notabenemit pissarsiarineqarsinnaasut ilagaat umiatsiaaqqat, motorsikkilit, timmisartut, ATV- t aamma biilit ungasiannit aqunneqarsinnaasut. Piffissami matumani biileeqqat tunisaalluarput.
Allaaserisaq tamakkerlugu Motoorimi atuaruk. Sermitsiami aviisimi Morooti biilinut umiatsianulli tunngasut nuannarineqarluartut imarivai. Aviisi uani pisiariuk: