Dronemik filmiliaq: Innermik anitsisartoq qanimut misigiuk
Innermik anitsisartoq Fagradalsfjallip qaqqaata eqqaani Islandip kujataata kitaani ingammik anitsivoq. Assiliisup Ólafur Þórissonip immiussai kusanartut takukkit.
Annonce
Piffissap ilaani anitsiffiusut arfineq-pingasut anitsipput, anngamik nunap iluanit anitsipput, ullumikkulli anitsivik ataaseq apriilip 13-anni ammartoq anngamik 250 meterisut qutsitsigisumik serpalittarpoq.
Innermik anitsisartunut professori, Islandip Universitetianeersoq, Þorvaldur Þórðarson, Islandimi tusagassiorfimmut mbl.is-imut ilisimatitsivoq, “serpalittut” agguaqatigiisillugu 50-nit 100 meterisut portussuseqartartut.
Anngat manngertinnikut ataanni anngamik ingerlaartoqarsinnaavoq, tamannalu pissutigalugu takornariat qaqqap killinganiinnginnissaannik mianersoqquneqarput, anngap qanoq sukkatigisumik sumullu sammivilimmik ingerlanera ilisimaneqarneq ajormat.