Skip to main content

DR Kalaallit Nunaat Danmarkilu pillugit nangeqattaartulianik suliaqartoq

Nukâka Coster-Waldau Lars Mikkelsenilu, Hans Egedep Kalaallit Nunaannut tikinneranit ukiut 300-nngornerannut atatillugu kalallit-danskit oqaluttuassartaat pillugit tv-kkut nangeqattaartuliami nutaami oqaluttuarsuusassapput.

Ukioq 2021 danskiullunilu-norskiusup palasip Hans Egedep Kalaallit Nunaanni Illuerunnerit (Håbets Ø) tikimmagit ukiut 300-nngussapput. Taamanerniilli Kalaallit Nunaata Danmarkillu ataatsimut oqaluttuarisaanerat immikkuullarissoq oqallisaasaqisorlu atuutilersimavoq. DR oqaluttuarisaaneq pillugu tv-kkut nangeqattaartuliassartik pillugu tusagassiorfinnut nalunaaruteqarluni taamatut allappoq. 

Kalaallit-danskit ataatsimut oqaluttuassartaat - 1721-mi Kalaallit Nunaanni ajoqersuilernermiit ullumimut - DR-ip piviusulersaarusiatut nangeqattaartuliaa sisamariarluni aallaatinneqassaaq.

Kalaallit Nunaata Danmarkillu ataatsimut oqaluttuassartaasa ukiunik 300-nmgortorsiornerat aallakaatinneqartassaaq nunat taakku marluk imminnut ataqatigiinnerat siunissamilu ataqatigiinnissaat pillugu oqallittoqartarnera nalaarlugu.

Maanna oqallisigineqartartut

Kalaallit Nunaata Danmarkillu imminnut ataqatigiinnerat ukiut ingerlaneranni oqallisaasarsimaqaaq aamma kulturikkut assigiinngissutsit, naqisimaneqarneq, namminersulivinnissaq, aningaasaqarnikkut nammineerusunneq nunanullu allanut tunngasutigut politikkikkut soqutigisat ukiut ingerlaneranni oqallisaasarsimaqaat. Tamakkua pingaarnertut tunngaviupput oqaluttuassartamik tamatumannga oqaluttuarinninniarnermut.

- Hans Egedep Kalaallit Nunaannut tikinneranit ukiut 300-nngornerat tunngavissaarluarpoq, nunat taakku marluk qanoq ataatsimoorlutik oqaluttuassaqalersimanerannik aamma piffissap ingerlanerani imminnut ataqatigiinnerisa qanoq ineriartorsimaneranik tamatumalu inuiaqatigiinnut, kulturimut inunnullu qanoq sunniuteqarsimaneranik misissuinissamut, DR-p Kultureqarnermut, Meeqqanut Inuusuttunullu tunngatillugit pisoraa Henrik Bo Nielsen oqarpoq.

Nukâka Coster-Waldau Lars Mikkelsenilu oqaluttuartuussasut

Nangeqattaartuliami pisimasut pingaarutillit aamma inuit kalaallit-danskit oqaluttuassartaannut pingaaruteqarlutillu ilusilersuisimasut tumaat atuarlugit soqutiginarluinnartunik paasisaqartassaagut. Isiginnaartut isiginnaartitsisartunit Nukâka Coster-Waldauimit Lars Mikkelsenimillu oqaluttuunneqartassapput, DR tusagassiorfinnut nalunaaruteqarnermi allapput. 

Oqaluttuartussat taakku marluk tamarmik immikkut aallaaveqarput – Kalaallit Nunaat Danmarkilu – marluullutillu ataatsimoorluta oqaluttuassartatta qitiusortaanik oqaluttuuttassavaatigut. Lars aamma Nukâka ataatsimoorlutik oqaluttuassartatsinnik saqqummiussisassapput, Kalaallit Nunaanni Danmarkimilu kinguaariaaat arlallit paasisinnaasaannik, DR-mit oqaatigineqarpoq. 

Oqaluttuarisaaneq siammarterniarlugu suleqateqarneq

DR arlalinnik suleqateqarluni allakaatitassiorpoq – taakkununnga ilaallutik Nunatta Katersugaasivia Allagaateqarfialu, Nationalmuseet DF1 aamma Issittumi Instituti. Ataatsimoorluni suliaqarnermi anguniagaavoq, innuttaasut oqaluttuarisaanermik soqutiginninnerulerlutillu ilisimasaqarnerulernissaat.

- Suleqatigisisat ilisimasaat piginnaasaallu assigiinngitsut aqqutigalugit oqaluttuassartap tamanut anngunneqarnissaanut periarfissinneqarpugut - taamalu ataatsimoorluta oqaluttuassartatsinniki paasinnillutalu oqaloqatigiissuteqartarnissatsinnik periarfissinneqarluta, Henrik Bo Nielsen oqarpoq.

Nangeqattaartuliaq aappaagu sapaatikkut, unnukkut arfineq-pingasunut DR1-ikkut aallakaatinneqartassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER