Skip to main content

DR 2-p 'Håbets Ø' Inuiattut ullorsiornermi takutilerpaa

Aluminiuliorfissuup Alcoap asuli utaqqigaluarneqarnera pillugu filmi piviusulersaarusiaq maanna DR-imi streamerneqarsinnaalereerpoq.

Filmi piviusulersaarusiaq ’Håbets Ø’ Maniitsumut kisimi tunngassuteqanngilaq, kisianni aamma ukiuni qulikkaani kingullerni Kalaallit Nunaat sorpassuartigut pineqarpoq.

Suliffeqarfissuarnut avataanit aggersunut neriulluarneq pillugu filmiliaq. Aammalu namminiilivinnissamut aqqut sumiiffinni inuiaqatigiinni ataasiakkaanilu aallartinneranik ilaatigut nassuerutiginninneq pillugu filmiliaq.

Taamaattumillu ukioq manna inuiattut ullorsiornitsinni, ilisimaneqareersutut namminersornerup ukiuni qulinngortorsiorneranik nalliuttorsiorfigineqartumi, DR2-p filmi takutissallugu tulluartippaa.

Amerikamiut aluminiuliorfissuata Alcoap 2006-imi, aatsitsiviliorfissuup tullia Maniitsumi sanaartorneqassasoq aalajangermagu, aalisarnerup appasinnerpaaffimminiinnerani najukkami innuttaasut kisimik pinnatik periarfissatsialammik takupput. Taanna suliniuterujussuaq Kalaallit Nunaata namminiilivinnissaanut aqqutissiuussisuusinnaavoq. Siunissarlu qaamavoq, illoqarfiullu katersortarfiani nuannattoqarpoq. Kisianni ukiut ingerlapput, Alcoamillu takusaqartoqanngilaq, illoqarfinnguarlu unittoorfiusutut ippoq.

Nammineq siunissamik qanoq sivisutigisumik utaqqisoqassanersoq filmimi apeqqutigineqarpoq.

’Håbets Ø’ Sidse Torstholm Larsenimit aamma Sturla Pilskogimit ilitsersuisuuffigineqartoq, maanna DR TV-imi streamerneqarsinnaalereerpoq. Filmi marsimi CPH:DOX-imi takuteqqaarneqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER