Skip to main content

Dorisip benziina ima annertutigisoq atorpaa

Doris J. Jensenip benziinamut akiliutaanik atornerluineq pillugu suliami, suliffimmut atatillugu biilerisamut qaammammut benziina qanoq annertutigisoq atorneqartarnersoq innuttaasut paasisaqarfigisimanngilaat. Nalunaarsuineq uani takuuk.

Naalakkersuisuusimasup Doris J. Jensenip benziinamut akiliummik atuineq annertuseriasaarneranik naalakkersuisoqarfimmit oqarfigineqarami, kukkunersiuisarfik Deloitte misissuitippaa.

Inuup inoqutigiinneersup benziinamut akiliutaa angallammik orsernermut atornerlussimagaa, tassani paasinarsivoq.

Angallammik orsernermut atornerluineq 6.855,45 koruuninik akeqartoq, Deloittep paasivaa. Aningaasat taakku Namminersorlutik Oqartussanut utertinneqarput. Kukkunersiuisartut qularnaateqanngitsumik tamanna uppernarsarsinnaasimavaa.

Nalinginnaasumik atuineq qanoq ippa?

Tamatuma saniatigut kukkunersiuisup naalagaaffimmit akuerisaasup Bo Colbep oqaatigaa, ‘’atuinerup ‘’nalinginginnaasup’’ qanoq ittuuneranik oqaaseqarsinnaaneq ajornakusoortoq, kisianni atuinerup takutippaa kilometererpassuit ingerlasoqartartoq’’. Taanna inerniliussaq takussutissianik misissuinerata kingorna nalunaarusiaani atuarneqarsinnaavoq, ilaatigut 75 liiterimut orsertoqartarsimavoq, naak biili 60 liiteriinnarnik orserneqarsinnaagaluartoq.

Nalunaarusiaq taamaallaat piffissami januaarip aallaqqaataanit septembari 2017 ilanngullugu paasissutissanik imaqarpoq.

Allagaatinik takunnikkumaneq

Doris J. Jensenip benziinamik atuineranut tunngasumik allagaatinik takunnikkumanikkut Sermitsiaq.AG-p pissarsiarisaani atuarneqarsinnaavoq, Doris J. Jensen piffissami tassani misissuinermi aallaavigineqartumi agguaqatigiisillugu qaammammut 1.787,68 koruuninik atuisarpoq, atornerluinermi atorneqartut ilanngaatigereerlugit.

Piffissami naalakkersuisoqarfiup ajortoqarneranik Doris J. Jensenimut paasititsereernerata kingorna, agguaqatigiisillugu atuineq piffissami 1. oktober 2017-mit 1. maj 2018-imut atuineq 1.709,19 koruuninut appariarpoq. Atuineq qaammammut 80 koruunit missaannik annikinnerulerluni.

Dorisip benziinamik atuinera:

Taxanik ingerlatsisoq qaammammut benziinamut qanoq aningaasartuuteqartarnersoq paasisaqarfiginiarlugu, Sermitsiaq.AG Nuuk Taximi pisortamut, Janus Eigaardimut saaffiginnippoq.

- Erseqqissumik tamanna akiuminaappoq, tassani sulinerup sivisussaa, taxartitsisutullu ilungersorluni sulineq apeqqutaammat, pisortaq nassuiaavoq.

Kisianni taanna marlunnik assersuuteqarsinnaavoq, tassani taxartitsisut ilungersorlutik sulipput, nalinginnaasumillu ullormut sulineq 12 tiiminik sivisussuseqarpoq – sapaatip-akunnerata ingerlanerani ullut arfinillit sulinerulluni. Aamma tassani taxat allanit atorneqanngillat. Tassani benziinamut aningaasartuutit qaammammut 3.400 aamma 3.700 koruunit akornanni nikerartarput.

Annertuumik atuineq nassuerutigigaa

Doris J. Jensenip tunuarnerminik aalajangernermini tusagassiortunik katersortitsigami ilisimatitsissutigaa, tallimanik meeraqarami Naalakkersuisoqatiminit annertunerusumik benziinamut atuisarsimassalluni nassuiaatigaa, meeqqat atuarfinnut assigiinngitsunut ingerlanneqartussaammata.

Biilertut benziinamik atuinerat toqqaannartumik assersuunneqarsinnaanngillat, arlalitsigut assigiinngissuteqartaramik. Biili qanoq ittoq pineqarpa? Liiterimut kilometerit amerlanngitsut imaluunnit amerlasuut ingerlasinnaavai? Benziinamik atuivallaanngitsumik ingerlasarpa?

Doris J. Jensenip sulinerminut atatillugu Mitsubishi Outlander atugaraa, Deloittep misissuinerani tamanna atuarneqarsinnaavoq.

Kukkunersiuinermut ataatsimiititaliap suliaq misissorpaa

Kukkunersiuinermut ataatsimiititaliaq 2017-imut Nunap Karsiata Naatsorsorneqarneranut atatillugu novembarimi isumaliutissiissummik saqqummiussissaaq, tassani benziinamut akiliut pillugu suliaq oqaluuserineqassalluni.

Sermitsiaq.AG-p suliaq pillugu Doris J. Jensen arlaleriarluni akissutisinani neqeroorutigisaraluarpaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER