nikisititerineq

Doris sulinngiffeqarnini pillugu: Siumup kissaataa malippara

Siumumeersoq Doris Jakobseni Naalakkersuisunit sulinngiffeqalerpoq Siumup siulittaasuata Kim Kielsenip aamma Siumup siulersuisuisa kissaataat naapertorlugu

Siumumeersoq Doris Jakobsen Naalakkersuisunit sulinngiffeqalerpoq Folketingimut qinersisoqarnissaata tungaanut Folketingimi ilaasortanngoqqinnissaa Siumumit kissaatigineqarmat

Siumumeersoq Doris Jakobseb peqqissutsimut nunanillu avannarlernik suleqateqarnermut naalakkersuisutut marlunngornermiit sulinngiffeqalerpoq Folketingimut qinersisoqarnissaata tungaanut Folketingimi ilaasortanngoqqinniassagami.

Pineqartoq Sermitsiaq.AG-mut oqaluttuarpoq sulinngiffeqalernera Siumup siulittaasuata Kim Kielsenip aamma Siumup siulersuisuisa kissaateqarneratigut pisoq.

- Siumup siulittaasuata aamma Siumumi siulersuisuunerit kissaatigaat Folketingimi sulissasunga, Doris Jakobseni naatsumik taama Sermitsiaq.AG-mut oqarpoq.

Atuaruk: Doris Jakobsen Naalakkersuisunit sulinngiffeqalerpoq

Patsisaasoq pillugu oqaaseqarusunngilaq
Doris Jakobsenip partiip sooq Folketingimi ilaasortanngorteqqikkusunneraani oqaaseqarusunngilaq.

Taarsiullugu partiip siulittaasua Kim Kielsen oqaaseqartinneqarsinnaasoq innersuussutigaa.

Doris Jakobsen peqqissutsimut nunanillu avannarlernik suleqateqarnermut naalakkersuisutut decembarip aqqaneq aappaani ivertinneqarmat, sinniisissaasata tullia Nick Nielsen Folketingimi ilaasortanngoraluarpoq.

Sermitsiaq.AG-mit Naalakkersuisut siulittaasuat aamma Siumup siulittaasua, Kim Kielsen, maanna ataatsimiittoq apersorniarlugu utaqqivarput.

Sermitsiaq.AG-mit Nick Nielsen Folketingimi Siumut sinnerlugu qaammatini marlungajanni sinniisussaareerluni maanna ilaasortaasimasunngortoq apersorniaraluaratsigu iluatsinngilarput.

Atuaruk: Nick Nielsen Folketingimi ilaasortanngorpoq

Pisortatigoortoq: Aajuku Naalakkersuisunngortut

Pituffik pillugu suliaq sooq Nick Nielsenip Folketingimi ilaasortaajunnaarneranut pissutaanersoq aviisimi AG-mi atuarneqarsinnaavoq. Aviisi ataani pisiarineqarsinnaavoq:

Powered by Labrador CMS