nikisititerineq
Doris Jakobsen Naalakkersuisunit sulinngiffeqalerpoq
Siumumeersoq Doris Jakobsen Naalakkersuisunit sulinngiffeqalerpoq Folketingimi ilaasortanngoqqinniarluni Folketingimut qinersisoqarnissaata tungaanut
Siumumeersoq Doris Jakobsen, decembarip aqqaneq aappaani 2014-imi peqqissutsimut nunanillu avannarlernik suleqateqarnermut naalakkersuisutut ivertinneqartoq, Folketingimut qinersisoqarnissaata tungaanut Folketingimi ilaasortanngoqqinniarluni Naalakkersuisunit sulinngiffeqarniarluni qinnuteqarsimavoq.
Doris Jakobsenip Folketingimut qinersisoqarnissaata tungaanut ilaasortanngoqqinnissani pillugu Naalakkersuisunit sulinngiffeqarallarniarluni qinnuteqaataa Naalakkersuisut siulittaasuanit, Siumumeersumit Kim Kielsenimit, akuersissutigineqarpoq.
Taama Naalakkersuisut tusagassiuutinut nalunaaruteqarlutik allapput.
Lund Olsen aamma Qujaukitsoq tigusigallarput
Doris Jakobsenip sulinngiffeqarallarnerata nalaani suliassaqarfii imannak agguarneqassapput:
Peqqissutsimut tunngasut ilaqutariinnermut, naligiissitaanermut isumaginninnermullu naalakkersuisumit, Siumumeersumit Martha Lund Olsenimit akisussaaffigineqassapput, nunanik avannarlernik suleqateqarneq inuussutissarsiornermut, suliffeqarnermut, niuernermut nunanullu allanut naalakkersuisumit, aamma Siumumeersumit Vittus Qujaukitsumit akisussaaffigineqassallutik.
Sermitsiaq.AG-mit Nick Nielsen Folketingimi Siumut sinnerlugu qaammatini marlungajanni sinniisussaareerluni maanna ilaasortaasimasunngortoq apersorniaraluaratsigu iluatsinngilarput.
Folketingimut kingusinnerpaamik septembarip 14-ani qinersisoqartussaavoq.
ALLAASERISAP MALITTAI:
Doris sulinngiffeqarnini pillugu: Siumup kissaataa malippara
Atuaruk: Pituffik pillugu suliaq Nielsenip sinniisussaajunnaarneranik kinguneqarpoq
Pituffik pillugu suliaq sooq Nick Nielsenip Folketingimi ilaasortaajunnaarneranut pissutaanersoq aviisimi AG-mi atuarneqarsinnaavoq. Aviisi ataani pisiarineqarsinnaavoq: