Skip to main content

Doris ilaasortaajunnaartoq: Tunngaviusumik inatsisissaq pillugu isumalioqatigiissitaq nutaamik siulittaasortaassaaq

Tunngaviusumik inatsisissaq pillugu isumalioqatigiissitaq nutaamik siulittaasortaassaaq. Siumumi politikkeri Doris J. Jensen isumalioqatigiissitamit tunuarniarluni nalunaaruteqarsimavoq

Sulinermi atukkat pitsaannginnerat isumalioqatigiisitallu pingaaruteqarnerata tunulliutinneqarnera pingaarnertut tunngavilersuutigalugit Doris J. Jensen aalajangersimavoq Tunngaviusumik inatsissaq pillugu isumalioqatigiissitami ilaasortaajunnaarniarluni, KNR allappoq.

Ataasinngormalli Naalakkersuisunut aamma Tunngaviusumik inatsisissaq pillugu isumalioqatigiissitami ilaasortanut allanut tamanna ilisimatitsissutigisimavaa.

Ulloq naallugu suliffik

KNR naapertorlugu taanna isumaqarpoq, Tunngaviusumik Inatsisissaq pillugu Isumalioqatigiissitami ilaasortaaneq ingammillu siulittasuuneq suliffittut iluittutut isigineqartariaqaraluartoq.

Doris J. Jensen sapaatip akunnerata siuliani Sermitsiaq.AG-mut oqarpoq, Tunngaviusumik inatsisissaq pillugu isumalioqatigiissitami siulitaasuunini tulluussimaarutigalugu.

KNR naapertorlugu Doris J. Jensenip maanna nukini Inatsisartuni sulinerminut Ilisimatusarfimmilu ilinniakkaminut atorniarlugit.

- Ukiuni 17 -18-ini politikeriuvunga, ilinniarnissara tunulliutissimallugu. Tamanna maanna Ilisimatusarfimmi ilinnialernikkut allanngorpara, Doris Jensen KNR-imut oqarpoq.

Nunami partiit annersaata, Siumup Doris J. Jensenip paarlatsissaa nassaariniartussaavaa. Suliakkiissut naapertorlugu siulittaasoq Siumumit toqqarneqartussaavoq.

Akissarsiaqannginneq

Isumalioqatigiissitami ilaasortat politikkeriusut ukiortaami aningaasarsisalersinnaanerisa atorunnaarsinneqariasaarnerat tamatumunnga pissutaasimanersoq paasissutissani KNR-ip saqqummiussimasaani takuneqarsinnaanngilaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER