namminiilivinneq
Doris akivoq: Eqqoriaruminaappoq
Ilinniartitaanermut Naalakkersuisoq siulittuerusunngilaq. Tamanna Demokraatit siulittaasuanut Randi Vestergaard Evaldsenimut akissuteqaataani erserpoq.
Apeqqummi pingaaruteqarluinnartumi, nunarput qaqugu danskit bloktilskudiat pisariaqartikkunnaarlugu namminiilivissinnaanera pillugu, Hans Enoksenip oqaatigisimavaa 2021-imi bloktilskudi pisariaqartikkunnaarlugu namminiilivissinnaasugut, tikisitsisarnerimmi unitsinneqarpata aningaasarpassuit sipaarneqalissangamik.
Apeqqut
Taamatullu oqaaseqarneq Randi Vestergaard Evaldsenip soqutigalugu Doris J. Jensen apeqquteqarfigaa "Naalakkersuisut isumaqanerlutik ukioq 2021 nallertinnagu ilinniagaqassuseq ima qaffatsissinnaatigigipput allaat tikisitat atorfjissaarutissallutigit?
Doris J. Jensenilu aappimik naaggamilluunniit akissuteqarnaveersaarpoq.
Killormuanillu taanna allappoq:
- Naalakkersuisut lIinniartitaanernut Pilersaarummi II-mi anguniagassatut aalajangiunnikuuaat innuttaasut 70 %-ii 2015-ip kingorna meeqqat atuarfiannik naammassisaqarsimasut inuussutissarsiutinut ilinniakkamik piginnaaneqarfiusumik naammassinnissimasassasut 35-inik ukioqalinnginnerminni. Siumoortumik eqqoriaruminaappoq qaqugukkut ilinniagartuunik nunatsinni immitsinnut pilersulersinnaassanersugut, inuussutissarsiutit sammivIlni tamani, kisiannili lIinniartitaanermut Naalakkersuisoqarfiup suli annertuumik aalluppaa nunatsinni innuttaasut ilinniarsimassusaasa qaffasinnerulersikkiartuaarnissaat, taanna allappoq ilassuteqarlunilu:
Suliniutit aalajangersimasut
- Suliniutini aalajangersimasuni ingerlanneqartuni eqqaaneqarsinnaapput, piffissami matumani lIisimatusarfik suleqatigineqarmat inatsisilerituutut bachelor-inngorsinnaalernissaq siunnerfigalugu. Tamatuma saniatigut pilersaarutaavoq ilinniartitaanernik annertuumik aaqqissuusseqqinnissaq, nunatsinni eqaatsumik ataqatigiissumillu ilinniartitaanerni aaqqqissuussinernik qularnaarisunik, inuusuttatsinnik piareersaasussanik atuarfiup kingorna pitsaanernik tunngavilinnik ilinniartitaanerni ingerlaqqiffissaq arnissanik. Suleqatigiissitamik maanna pilersitsisoqalerpoq, naatsorsuutaavorlu suleqatigiissitaq 2019-ip aasaani Naalakkersuisoqarfimmut arlalinnik inassuteqaateqassasoq.
Hans Enoksenip tikisitsisarunnaarnikkut aningaarsarpassuarnik sipaaruteqarsinnaanermik oqaatigisimasaa pillugu, aningaasartuutit taakkununnga qanoq amerlatingerpiarnersoq naatsorsorneqarsinnaanngitsut, Doris J. Jenseni, Inatsisartunut ilaasortamut akissuteqaammini paasissutissiivoq.