DM: Ujakkaartartut ujamippassuarnik angerlaassipput
Ujakkaarluni Danmarkimi pissartanngorniunnermi, Norgemi Rjukan-imi pisumi, kalaallit ujakkaartartut 92-it peqataapput
Kalaallit ujakkaartartut DM-imut peqataareerlutik maanna angerlakaaleruttorput.
Pissartanngorniunnermi kalaallit katillugit 137-nik ujaminnapput. Ilulissanit ISP, Aasiannit ASP, Sisimiunit SSP, Maniitsumit KS-69, NUP aamma NSP Nuummit Qeqertarsuatsiaanit QUP kiisalu QSAP Qaqortumit peqataapput.
- Sapaatip akunnera kingulleq unammiffiusoq puigunaappoq. Ataqatigiinnerput, nuannisarnerit kiisalu sungiusaasunik ineriartorfiuvoq unammiffik. Unammisartut imminnut ataqatigiittorujussuanngorput, peqataasut tamarmik misigisaqarluarlutik, sisorartartut kattuffiannit Jonas Jensen Sermitsiaq.AG-mut oqarpoq.
Audun Svartdahl sungiusaaneq ingerlappaa, illoqarfinnit ukunannga peqataaffigineqarluni: Qaqortoq, Nuuk, Maniitsoq, Sisimiut, Aasiaat kiisalu Ilulissat.
- Pikkorissarnermit ilikkarneqartut siunissamut atorluarneqassapput, tamanna ineriartortoqarneranut iluaqutaassaaq, Poul Petersen oqarpoq.
Sungiusaasutut pikkorissaqqittoqassaaq Aasianni GM-ertoqarnerani apriilip tallimaanit aqqarnganut ingerlanneqartussami.