Skip to main content

D: Mittarfiliortiternermut suliniut Siumumi perulluliortoqarneranik unitsinneqassanngilaq

Siumumi aqutsisut eqqissiviilliornerat Nivi Olsenip uggoraa. Siumumi siulittaasumik nutaamik tapersersuinissaq partiip neriorsuutigisinnaanngilaa.

Demokraatit siulittaasorigallagaata, Nivi Olsenip, Siumup ilumini suliaanut akuliunniarani naqissuserpaa. Maanna perulluliornermit ungasissumiinniarluni paasititsivoq.

- Kisianni maanna takusarput pillugu ajuusaartorujussuuvunga. Inuiaqatigiinni suliniutit pingaarutillit naammassineqalerneranni, Siumup aqutsisuini aalasassimaartoqarnera uggornarpoq, taanna Sermitsiaq.AG-mut oqarpoq.

Demokraatit partiimi siuttui ullaap tungaani ataatsimiipput, Siumumi partiimi naalakkersuisuutitaqartumi eqqissiviilliorneq aamma oqaluuserineqarpoq.

- Mittarfinnut suliniut Kalaallit Nunaata aningaasaliinerini annersaavoq. Maanna suliaq aallartingaatsiareersimammat iluatsittariaqarpoq. Siumup siuttuini ajornartorsiornerup tamanna ineriartorneq unitsissanngilaa, partii Naalakkersuisunut tapertaasoq taama oqariartuuteqarpoq.

Demokraatillu suli partiitut tapertaasutut ingerlaannarallassaaq.

- Kim Kielsen Naalakkersuisut siulittaasuattut suli tapersersorparput. Suliniutit annertuut peqatigaluta naammassinissaanut eqqissisimatinneqarnissaa kajumissaarutigaarput, Nivi Olsen oqarpoq, taannalu immikkoortunut pingaarutilinnut, naammassinissaannut Demokraatit ilungersuussimasaannut innersuussivoq.

Maanna perulluliortoqarnera Kim Kielsenip Siumumi siulittaasuujunnaartinneqarneranik kinguneqassagaluarpat, siulittaasup nutaap Naalakkersuisuni siuttutut inissinnissaanut Demokraatinit ingerlaannaq tapersiinissaannik naatsorsuuteqartoqassanngilaq.

- Tamanna pissaguni uggornassaaq, Naalakkersuisut tamarmik allanngorneqassappata, suliniutit pingaarutillit kigaalaqutsersorneqassammata.

- Siumumi nutaamik siuttoqalissappat, taava nutaamik isumaqatiginninniartoqassaaq. Kim Kielsenip Naalakkersuisunut siulittaasuunissaa kisiat pisussaaffeqarfigaarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER