Skip to main content

DMI: Oktoberip naalernerani aatsaat iluamik nillertissagunarpoq

Atlantikumit silaannaq kissartoq panertorlu nunatsinnut apuussimanera pissutaalluni, aput silaannarlu nillernerusoq Kalaallit Nunaata Kitaanut suli pinngilaq.

Aput ukiulli anorersui suli takkutilinngillat.

Sila tallimat missaannik qaangilaarluguluunniit kiassuseqartaqattaarpoq. Nittaattaraluarlunilu aput suli aaqqittuarmat, ukiassarnera sivisunerusuusivoq.

Oktoberili naalerpat sila nillernerulissaaq.

- Kitaani silap nillertinniaasaarnera takornartaanngilaq. Tassa Føhn-effektimik taaneqartarpoq. Taanna isumaqarpoq silaannaq kissartoq panertorlu sermersuarmiit kitaanukaartoq, taamaasillunilu aput aatsillugu, Hans Wanner DMI Kangerlussuarmi silasiortoq Sermitsiaq.AG-mut oqaluttuarpoq.

Hans Wannerip oqaluttuarnera naapertorlugu silaannaaq kiattup panernerusulli kitaani sinerissap ilarujussua aqqusaarsimavaa. Tassa Uummannap sulluaniit kujataa ilanngullugu sila kiannerugami. Taamaaginnassanngilarli.

- Ullualuit ingerlareerpata sila nillernerulerumaarpoq. Immaqa oktoberip 20-at qaangeqqaartariaqassavarput sila nillernerulissappat, oqarpoq.

Nittaattassaaq

Silaannaq nillernerusoq Kalaallit Nunaannut piniaasaartarnera takornartaavinngitsoq, silasiortoq ilisimatitsivoq.

- Soorunami eqqarsarnarasinnaagaluarpoq Kalaallit Nunaanni sila nillertoq, silassarli assigiinngiiaartarpoq. Ukiukkut sila ilaanni imaaliallaannaq nillertinneq ajorpoq, Hans Wanner oqarpoq.

- Arfininngorpamiilli nittaallertalernissaanik ilimasaarisoqartoq takusinnaavara.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER