DMI: Nuummi Paamiunilu anorersuassaaq
Silassaq malillugu Nuummi Paamiunilu marlunngorpat anorersuassaaq ullussaarsuartut sakkortutigisumik anoraasuartarluni, DMI ilisimatitsivoq.
Nuummi Paamiunilu innuttaasut marlunngorpat illoqarfimmi angalaalerunik nasatik, isarussatik allallu katanneqarsinnaasut tigummilluartariaqarpaat.
DMI-mi naapertorlugu illoqarfinni pineqartuni ulussaarsuartut sakkortutigisumik anoraasuartarluni anorersuarniarpoq.
DMI-mi silassamut missingersuuttip takutippaa, anori Nuummi marlunngorpat ullaakkut 22 m/s-imik sakkortussuseqarluni aallartissasoq, ualineranilu sakkortusisartorluni 33 m/s-imik sakkortussuseqalissasoq .
Anoraasuaraangat 43 m/s-imik sakkortussuseqartassaaq.
Anorersuaq marlunngornerup ullaassaani takkutissasoq
- Ulloq naallugu anorlissaaq, ualikkullu arfernup unnukkullu qulingiluat akornanni sakkortunerussalluni, DMI-mi Kalaallit Nunaannut tunngatillugu silasiortartoq Jesper Rosberg oqaluttuarpoq.
Taassuma nassuiaatigaa, naqitsiniisaffik sakkortooq USA-p avaannaata-kanginait aggersoq, marlunngorpallu Kalaallit Nunaata kujataata tungaanut apuutissasoq.
Nuuk Paamiullu anoraasuanit sakkortuunit nalaanneqartassapput, aamma siallissaaq:
- Unnuaru Paamiuni sakkortuumik anorlilissaaq, marlunngornerullu ullaavani qulingiluat ullullu-qeqqata akornanni anori Nuummut anngutissalluni.
Anorersuaq sakkortooq ulussaarsuarluunniit
- Marlunngorpat ualikkut ulussaarsuartut sakkortutigingajattumik anorersuassaaq, Jesper Rosberg oqarpoq.
Ullumi ataasinngornerup ullaavani silassamut missingiut malillugu, marlunngorpat unnuap-qeqqata tungaanut 30 m/s-imik sakkortutigisumik anoreqassaaq. Tamatuma kingorna anori sakkukilliartussalluni. Pingasunngorpat ualikkut pingasut eqqaanni anori 15 m/s-imik sakkortussuseqalissaaq.
Jesper Rosberg naapertorlugu, naqitsiniisaffik avannamut ingerlaassaaq, avannaanilu anorlertitsissalluni.
- Maniitsumi Qeqertarsuullu Tunuani aamma anorlissaaq, Nuummisulli sakkortutiginngitsumik, naqitsiniisaffimmi annikillisussaavoq, Jesper Rosberg oqarpoq.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...