Arctic Winter Games
DMI: Unnugu qummoroortarnersuaq takuneqarsinnaassaaq
Silasiortut siulittuutigaat unnugu nalunaaqutaq qulingiluanngortinnagu sila atoruminarsiumaartoq
Unnugu Arctic Winter Games naggataarnersiorlugu Nuummi Nuutoqqami qummoroortarnissarsuarmi putsut isikkivilutsitsissappat?
Ulumikkut taama qulisimatigimmat amerlasuut tamanna ernumanartoqartikkunarpaat.
Isumalluaatissaqarpoq
Isumalluaatissaqarporli, Danmarks Meteoroligiske Institutip Kangerlussuarmi silasiorfiani silasiortoq Anna Grube oqarpoq.
– Silassamut siulittuut ajorpallaanngilaq. Putsut pukkitsut kivissapput, taamaattumik nalunaaqutaq qulingiluat missaani isikkivigillualaassagunarpoq, Anna Grube oqarpoq.
Timmisartuusseqattaarneq
Arfininngorpat timmisartuusseqattaarneq aallarteqqissaaq, peqataasut Nuummiit Kangerlussuarmut timmisartuunneqaqattaalissammata. Naatsorsuutigineqarporlu piffissami tamatumani sila atoruminassasoq.
– Pingaartumik ullup aallartinnerani silagissamaarpasippoq, anoreqarpiarani isikkivigillunilu. Kingusinnerusukkulli apilaartalersinnaavoq,Anna Grube nassuiaavoq.