Arcrtic Winter Games
DMI: Nuummi arfininngorpat anorsarilluni nittaassaaq
Arfinignnorpat sila pitsaanerpaaffiginngisani takutissavaa, tassani Arctic Winter Gamesimut peqataasussat 1.000-t Kangerlussuarmit Nuummukassapput
Siullermik Nuummi aput amigaataavoq. Ullormilu angallaffiungaatsiartussami arfininngornermi illoqarfik silarlunnissaanut ilimasaaruteqartoqarpoq, tassani Arctic Winter Gamesimut peqataasussat 1.000-t Kangerlussuarmit Nuummukassapput.
Kangerlussuarmi DMI-mi nakkutilliisoq ilisimatitsivoq, tallimanngorpat sila pitsanngoriartussasoq. Arfininngorpallu nittaalluni kujasimmik sekundimut 15-20 meterinik anorersuartut sakkortutigisumik anorlernissaanut isikkoqarpoq.
Atuaruk: AWG-mi nalinginnaasumik aputeqarnissaanut DMI neriuuteqartitsivoq
Naatsumik oqaatigalugu timmisartuussinissamut sila tulluartuunngilaq.
Aatsaat sapaatip unnuaani nittaakkunnaariartorluni aamma anori sakkukilliartulissaaq, DMI ilisimatitsivoq.
Atuaruk: Arctic Winter Gamesimut atatillugu DMI piareersarpoq