Djursland: Kalaaleq angut ujaarineqarpoq
Østjyllandimi Politiit Pavia Henrik Anton Hamann 47-inik ukiulik, Ebeltoftimi Djurslandimi najugaqartoq tammaaneqartoq ujaaraat, innuttaasullu ilisimannittut ikiortiserineqarput.
Annonse
Najugarisami aviisi Aarhus nutaarsiassiinera malillugu kingullermik sapaatiummat tusarfigineqarpoq, ataatani oqaluussimammagu.
- Nikallugasimassasoq ilimagaarput, Østjyllandimi Politiini tusagassiisartoq Janni Lundager aviisimut ilisimatitsivoq.
Ilisarnaatai
Sapaammi ujaarineqarnera ataasinngornermi nangeqqinneqarpoq. Qilattakkamik qasertumik qaamasumik titarneqartuumik tujuulussuaqarpoq, tungujortunik qarleqarluni sungaartunillu kanaat tikillugit takitigisunik kamippaqarluni.
Pavia Hamann Fausingimi Gl. Estrupimiluunniit naammattoorneqarsinnaanissaa Østjylland Politiivisa eqqumaffigeqquaat.