Disko Linep angallatiminni bilitsinik pisisarneq atorunnaarsippaa
Maajip 15-annit atuutilersumik Disko Linep umiarsuaanni ilaasut bilitsinik pisisinnaajunnaassapput imaluunniit nassatat oqimaassuserisinnaasaannik qaangiinermi akiliisinnaajunnaassapput.
Ilaasut Disko Linep angallataannut ilaasussat, maajip 15-at aallarnerfigalugu, angalanissaq sioqqullugu nassatat oqimaassusissaanik qaangiisimanermut Disko Linep allaffeqarfiini akiliisalissapput, angallatini pinnatik. Umiarsuaatileqatigiiffiup aamma angallatini bilitsinik akiliisarnerit ullormi tassani atorunnaarsippai.
Disko Linemi angallannermut ataqatigiissaarisoq, Noelle Simoud taama ilisimatitsivoq.
Disko Linep nalunaarutaa naapertorlugu, ilaasut allattorsimaffii aallannginnerminni siusinaarlutik suliarineqartarnissaannik allannguinerit qulakkeerinnissapput, tamatumalu saniatigut pisariaqanngitsumik kinguaattoortarnerit pinngitsoortillugit.
Taarsiullugu atuisut Disko Linemit angallanneqarusuttut, bilitsit nittartakkakkut imaluunniit Disko Linep allaffianut saaffiginninnikkut pisiarisassavaat.
Taamatullu aamma ilaasut nassatat oqimaassusissaannik qaangiisut, angalanissartik sioqqullugu Disko Linemut inniminniisassapput, kiisalu aningaaserivik aqqutigalugu akiliisassallutik.