Disko Line: Kujataani angallannermi ajunaarnersuaqanngilaq

Bell 212-ip saniatigut Kujataani qulimiguulimmik angallassisoqassasoq, umiarsuaatileqatigiiffik Disko Line ilisimatitsivoq.

Kujataani angallannermik ajunaarnersuaqarneranik tusagassiuutitigut siusinnerusukkut suaarutigineqartunut Disko Line A/S isumaqataanngilaq.

Frederik Sandgreen Disko Linemeersoq tusagassiuutinut nalunaarummi taama allappoq. Umiarsuaatileqatigiiffik Kommune Kujallermi borgmesterimit Kiista P. Isaksenimit (S) aamma ilaasumit sakkortuumik isornartorsiorneqaraluartoq tamanna pivoq.

Qulimiguulik nutaaq

Ilaasut uku nuunneqarnissaminnut utaqqisut, Disko Line ilisimatitsivoq:

  • Narsarsuaq: Ilaasut sismat, Disko Linep kinguaattoornera pillugu Kangerlussuarmut aamma Nuummut ingerlaqqinnissaminnik utaqqisut.
  • Qaqortoq: Ilaasut tallimat, ullumikkut ataasinngornerup ingerlanerani ingerlateqqinneqartussatut naatsorsuutigineqartut.
  • Nanortalik: Ilaasoq ataaseq pingasunngorpat aallartussanngortinneqartoq.

- Bell 212-ip maannakkut atorneqartup saniatigut As 350 (qulimiguulik, aaqq.) ualimut Narsarsuarmut tikisinneqassaaq, aqagumiillu angallassilluni aallartinneqassalluni. Apriilip 28-ata tungaanut Disko Linep taanna attartorallarpaa, Disko Line taama nalunaaruteqarpoq.

Atuaruk: Angalasoq: Disko Line paasissutissiinerluppoq

Powered by Labrador CMS