Skip to main content

Disko Line nutaamik pisortaanertaartoq

Eqqartuussissuserisoq Finn Hansen umiarsuaateqarfimmi isornartorsiorneqartuartumi pisortaaninngorpoq

1. maj 2017 aallarnerfigalugu Finn Hansen Disko Line A/S-imi pisortatut atorfinippoq, Frederik Sandgren taarserlugu.

Umiarsuaateqarfiup siulersuisuini siulittaasoq, Jørgen Nielsen, tusagassiuutinut nalunaarummi allappoq.

Pisortaanerusimasoq, Frederik Sandgren,  Disko Line-imi atorfeqarnini attatiinnassagaa, paasissutissiarineqarpoq.

- Taanna ukiuni arlalinni pimoorussilluni angallassinermut, logistik-ip iluani, kiisalu angallatinik qulimiguulinnillu angallassinermut tunngatillugu misilittakkaminik siammasissunik tapersiilluarsimalluni. Siunissami aqustisut akornanni peqataassaaq, ilaatigut inuttaqarneq ingerlatsinerlu pingaartinnerullugit, tusagassiuutinut nalunaarummi ersersarneqarpoq.

Pisortaaninngortoq, Finn Hansen Bunker Holding A/S-imi eqqartuussissuserisutut inatsisilerinermilu aqutsisutut atorfimmeersuuvoq.

- Disko Line-imi allaffeqarfimmi aaqqissuussinermut tunngatillugu allannguineq Disko Line-imi nunatsinni inunnik angallassinernut tunngatillugu suliassat unammillernartullu ingerlaavartut tunngavigalugit aallartisarneqarsimavoq. Naatsorsuutigaarpullu allannguutit piffissaq aallarnisaaffiusoq ingerlareeriarpat atuisutsinnut, suleqatitsinnut, kiisalu Kalaallit Nunaanni takornariaqarnermut ineriartortitsilluarnerup tungaatigut pitsaasumik malunniutaajumaartoq, Jørgen Nielsen oqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER