Disko Line ilaasortaammik nutaamik pisivoq
Ilaasortaat nutaaliaq siunissami hybridimik ingerlalernissamut siunnerfeqarpoq, igalaavi kissanneqarsinnaallutik, satellitsikkut sumiissusersiuteqarpoq, tanksystemialu aamma nutaaliaalluni.
Faaborgimit Tuco Marinemit umiarsuaatileqatigiiffivik Disko Line ilaasortaammik nutaamik pisivoq. Pisiarineqartoq ProZero 15 meteriuvoq, FR Workboatiulluni.
- Ilaasortaat Kalaallit Nunaannut tulluussagaavoq, umiarsuaatileqatigiiffimmit amutsivimmiillu ineriartortinneqarnikuulluni, Tuco Marine tusagassiutinut nalunaarpoq.
Ikummatissakinnerusoq
Teknologi nutaaliaanerpaaq atorlugu ilaasortaat suliaavoq, Issittumi tulluarsagaalluni.
- Ilaasortaat aqqaneq marlunnik ilaasoqarsinnaavoq, aquttumik sulisumillu ilaasoqartussatut tulluussagaalluni. Ikummatissakinnerusumik ingerlasassaaq, sumiiffimmilu imaannaanngitsumi toqqissisimanartumik ingerlatsisinnaassalluni, nalunaarutigineqarpoq.
Silamut tulluarsarluagaq
Silarluttumi angallassutigineqarsinnaavoq, sulianilu imaannaanngitsuni sivisuumik angallataasinnaalluni.
- Disko Line A/S-ip toqqarsimammatigut tulluusimaarpugut. Disko Line suleqatigalugu angallat suliaavoq, Tuco-mi teknologi atugarput taamaasilluni isumaqatigiissummi nersorneqartoq malugaarput. Suleqatigiligarput suleqatigilluarnissaa neriuutigaarput, Tuco Marine-mi pisortaq Jonas Pedersen oqarpoq.