Disko Line angalasussanik akuersisussaatitaanngilaq
Angalatitseqatigiiffik Disko Line angalasussanik akuersisussaatitaanngilaq sapaatip akunnerata tulliata tungaanut, taamaattumik suliffeqarfimmut maalaaruteqarneq iluaqutaanavianngitsoq nalunaarutigineqarpoq
Disko Line angallassinissamut aamma timmisartuussinissamut pisinnaatitaaffeqanngilaq apriilip arfineq aappaata tungaanut.
Taamaattoq ilaasussat arlallit maalaaruteqarsimasut Disko Line tusagassiutinut nalunaarummi allappoq.
- Piffissami uani Disko Line-imiit maluginiarsimavarput saaffiginnittartut arlallit angalarusunneq pillugu saaffiginnissuteqartartut maalaaruteqarlutillu, taamaattumik pisariaqarsorivarput paasititsinerunissaq. Piffissami 20. marsimiit 8. apriilip tungaanut Kalaallit Nunaata iluani kiisalu Kalaallit Nunaannit Kalaallit Nunaannut timmisartukkut umiarsuarmillu angallannerit unitsinneqarput, corona-virusimik tunillaassuuttoqarnera peqqutaalluni. Disko Linemi pisortaq Noelle Simoud tusagassiutinut nalunaarummi allappoq.
Iluaqutaanngitsoq
Innuttaasut angalanissaat periarfissaasarpoq immikkut ittumik pisoqartillugu, taamaattoq angallannermut tunngatillugu aalajangersimasunik piumasaqaateqarpoq.
Disko Line-imiit erseqqissaassutigineqarpoq angalasussanik akuersisussaatitaanngimmat. 8. aprililanngullugu angalarusuttut sullissivik.gl-imi paasisaqarnerullutillu qinnuteqarsinnaammata.
- Disko Line-imut 8. april ilanngullugu angalarusunneq pillugu saaffiginninnissaq iluaqutaanngilaq, qinnuteqareersimaguit oqartussaniillu akueritillutit attavigineqarumaaravit akuerineqarsimallutit, Noelle Simoud oqarpoq.
Akuerineqartut
Disko Line-imiit ulloq 20. Marts kingullertut naliginnaasumik angallassivugut, silalu peqqutigalugu 20. Marts apuutinngitsoortut ippassaq ataasinngornermi siulliit apuunneqarsimallutik – apuuttussat tamarmik Oqartussanik akuerineqarnerisa kingorna apuunneqassallutik.
- Erseqqissaassutigissavarput ullormi tassani aallartussaagaluit taamaallaat qinnutigisinnaasimagatsigit, kingornatigut aallartussat, mattussereernerup kingorna, tassani ilanngunneqaratik, nalunaarutigineqarpoq.