Disko Line: Aajuna ilaasunut aaqqiissutissarput

Kitaata sineriaani arlalinni Disko Linep angallassinissamut pisussaaffiit tigunerisa kingorna, ukioq nutaamit ilaasut qanoq angalasasssanerlutik paasisaqarfigilaarsinnaanngorpaat.

Atuaruk: Ilaasut timmisartorlutillu umiarsuartassapput

Oktobarimi
Qulimiguulinnut pilersaarutinut, angallatinik angalanissanut pilersaarutinut aamma akinut tunngatillugu sulifeqqarfik oktbarip pingajuanit aatsaat paasissutissiinerusinnaavoq - ullormi tassani ingerlatseqatigiiffiup bilitsinik inniminniisinnaanissaq ammassavaa.

Kisianni ukioq naallugu qulimiguulimmik angallatinik angallattoqarsinnaassasoq, Disko Line naqissusiivoq.

Qeqeertarsuup Tunua
- Maannakkullu ilisimatitsissutigereersinnaavarput, Qeqertarsuup Tunuani ullumikkutut ingerlassasoq allannguuteqalaaginnarluni, tassani juullip nalaani angalaffissani arlalinni angallat qulimiguulimmut taarsiullugu toqqarneqarsinnaassaaq, aamma sila pissutigalugu qulimiguulimmik angalasinnaanngikkaanni umiarsuarmikm angalanissaq ukiukkut sillimmatissatut ilanngutissaaq, pisortaq Frederik Sandgreen tusagassiuutinut nalunaarummi ilisimatitsivoq.

Angallatissat allanngornerat
Siulianut sanilliullugu Kujataani angallassineq allanngorpoq. Tassungalu tunngatillugu Disko Line angallatissanik ukuninnga ikkussivoq:

• Qulimiguulik Bell 121 ataaseq, Air Greenlandimit attartugaq, ilaasunut qulingiluanut inissalik (inuttanik ilanngussinissamut periarfissalik)
• Qulimiguuli AS350, Air Greenlandimit attartugaq, ilaasunut tallimanut inissalik (pisariaqartinneqaraangat atugassaq)
• Targa 37 angallatit marluk, tamarmik ilaasunut 12-nut inissaqartut, angallatit Blue Ice/Disko Linemeersut
• Aviaq Ittuk, ilaasunut 36-nut inissaqartoq, angallat Blue Ice/Disko Linemeersoq

Atuaruk: Kommune Kujalliup kiffartuussinissamut isumaqatigiissut dumpertippaa

Amerlanerusunik angallassisinnaasoq
- Disko Linep angallassisalernissaa nutaaq qajannaatsuuvoq, assersuutigalugu Kujataani Atlantiku qulaallugu timmisartorsuaq maanna angallissinermik sukkanerujussuarmik imaarsinnaavarput. Taamaalilluni ilaasunut, allakkanut aamma nunap iluani nassiussalerinermik sullissineq pitsaanerpaaq qulakkeerneqassaaq,

Sikorsuit
Kujataani sikorsuaqartarneranut tunngatillugu, Disko Line qulimiguulinnut sillimmatissanik aamma aningaasanik immikkoortitsisimavoq. Ukiuunerani sikup Narsarsuup tungaanut aqqut matussagaluarpagu, qulimiguulinnik aamma sillimatissanik ilanngussisoqassaaq.

Aasaamerani aamma ulaperuttulerfimmi angallatissanik allanik ilanngussisoqarsinnaajumaarpoq, ingerlatseqatigiiffik ilisimatitsivoq.

Disko Line aamma Qaqortumi oktobarimi innuttaasunik ataatsimiititsinissamut qaaqqusiniarpoq, tassani ingerlatseqatigiiffiup angalanissamut pilersaarutik, akit aamma angallatissat saqqummiutissavaat.