Skip to main content

DIH: Meeqqanut periarfissat pitsaanerutikkusuppagut

Meeqqat illersuisuata Aaja Chemnitz Larsenip peqqinnissaqarfik pillugu isornartorsiuinera Peqqissutsimut aqutsisoqarfimmit oqaaseqarfigineqarpoq

Meeqqat napparsimalerlutik napparsimavimmut unikkaangamik inersimasut napparsimasut ineqatigilersarpaat, aamma allanik assigiinngitsunik iluarsisassaqarpoq.

Dronning Ingridip napparsinavissuani meeqqat napparsimavimmi innangasarnera pitsaaneruleqqullugu isornartorsiuilluni Meeqqat illersuisuat Aaja Chemnitz Larsen marlunngormat oqarpoq. 

Iluarsisassarpassuaqarpugut

Peqqissutsimut Pitsaaliuinermullu Aqutsisoqarfimmi pisortap Jóanis Erik Køtlumip qisuariaateqarfigaa:

- Meeqqanut tunngatillugu periarfissat pitsaanerusinnaanerat nassuerutigaarput. Meeqqat illersuisuata uparuaanerasut nakorsartittunut immikkoortortaqarfimmi meeqqat inersimasullu avissaartinnerusinnaanissaat kissaatiginarpoq. Ullumikkut meeqqanut immikkoortortami inersimasut immikkoortuanut atassuteqartumi, siniffiit meeqqanut uninngavissat arfineq pingasuupput.

- Meeqqanut uninngaviup inersimasut uninngaviannut atassuteqarnerata, meeqqat inersimasullu uninngavissaasa eqaatsumik ikilillugillu amerlineqarsinnaasarnerat iluaqutitaraa.

- Taamaattoqarnera meeqqanut inersimasunulluunniit napparsimasunut pitsaanerpaatut oqaatigineqarsinnaanngilaq, maannamulli periarfissaagallartut tunngavigalugit immikkoortitsivinnissaq, meeqqat inersimasullu nakorsartittarialimmik nappaatillit, misissortinnissamut nakorsartinnissamullu sivisunerusumik utaqqisariaqarnissaannik kinguneqassaaq, Jóanis Erik Køtlum peqqinnissaqarfik sinnerlugu oqarpoq. 

Meeqqanut pitsaanerusumik iliuuseqarniarput
Pitsaanerusumik qanoq iliortoqarsinnaanersoq misissorneqassaaq. 

- Siunissaq qaninnerusoq eqqarsaatigalugu sapinngisarput tamaat meeqqat uninngavianni inersimasunik uninngasoqarnissaa pinaveersaagaraarput. Maannamut inissaqarnikkut sulisoqarnikkullu periarfissap iluani pitsannguutaasinnaasunik immikkut ittunik iliuuseqarsinnaaneq misissorparput. Nakorsartittunut immikkoortortami sulisut meeqqat pitsaasumik pineqarlutillu atugaqartinneqarnissaat anguniarlugu annertuumik suliniuteqartuupput, Jóanis Erik Køtlum oqarpoq.

Sanaartortoqarunnaarnissa utaqqineqarpoq
Dronning Ingridip Napparsimmavissuata allilerneqarneranut pilersaarutit malillugit naammassineqarnissaanut, sanaartornermut aningaasalliissutinik pissarsinissaq tullinnguuppoq. Dronning Ingridip Napparsimmavissuata allilerneqarnerani amigaataalersut tassaapput nakorsartittunut tarnimikkullu nappaatilinnut immikkoortortat.

- Inersimasut nakorsartittariallit aamma isumagisussaagatsigik, suliassaq imaannaanngitsuuvoq. Mianersorluni ingerlasariaqarpoq oqaatigeriikkatsitullu napparsimasut allat ajornerusumik atugassinngikkaluarlugit, meeqqanut atugassarititaasut pitsanngortinniarlugit suliniuteqarpugut, Jóanis Erik Køtlum oqarpoq. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER