Digitalimik Sullissinermut Aqutsisoqarfik nutaamik pisortartaassaaq
Katrine Hjelholt Nathanielsen juunip aallaqqaataanit pisortatut atorfinissaaq
Digitalimik Sullissinermut Aqutsisoqarfik nutaamik pisortartaassaaq, matumanilu toqqarneqartoq tassaavoq Katrine Hjelholt Nathanielsen.
Namminersorlutik Oqartussat tusasagaasiutinut nalunaarummi allapput.
Katrine Hjelholt Nathanielsen Air Greenlandimi attaveqaqatigiinnermut pisortatut atorfeqaqqammerpoq Kommuneqarfik Sermersuumilu siusinnerusukkut attaveqaqatigiinnermut pisortatut aamma atorfeqarsimavoq.
- Aqutsisoqarfimmi pisortamik sulisoqalerneq Naalakkersuisut digitaliseeriinermut periusissiaani Digitalimik Sullissinermut Aqutsisoqarfiup suliakkerneqarnerani suliassanik annertuunik piviusunngortitsisinnaasumik pilersaarusiorluarsinnaasumillu Digitalimik Sullissinermut Aqutsisoqarfimmit assut nuannaarutigineqarpoq. Nuna tamakkerlugu periarfissat ilungersunartullu Katrinep ilisimasaqarfigilluarpai, tamannalu digitaliseeriinermut periusissiap atulersinniarnerani sulinermut soqutiginaateqarluartumik suleqatigiinnermut nukittorsaataassaaq. Katrinep aqutsinermik annertuumik misilittagaqarnera ilanngukkaanni atorfimmut piukkunnaateqarluartutut toqqarneqarpoq.
Katrine Hjelholt Nathanielsen 1. juuni sulilluni aallartissaaq.