DHL-stafet rekortiliisoq

DHL-Tele-Post-stafetip iligiit peqataasinnaasut amerlitippaat, taamaalillutillu Nuummi peqataasut aatsaat taama amerlatigissapput.

Ualeru timersornikkut aaqqissuussat annerit ilaat 1.225-nit ikinnerunngitsunik peqataasoqarluni aallartissaaq aamma kajumissutsimik suleqataasut 40-nit amerlanerupput.

- Ukioq manna tallimakkaarlutik peqataasinnaasut 230-nit 245-nut amerlatsippagut. Taamaakkaluartoq utaqqisut allattorsimaffiannut ilaat allattariaqarnikuuagut, Charlotte Mølgaard Hansen, suliniuteqartunut aaqqissuisunut ilaasoq ilisimatitsivoq.

Suliffeqarfiit nuannannerat

- Stafeterneq arfineq-pingajussaannik ingerlatarput suliffeqarfiit nuannattarnersuarilernikuuaat, suliffeqarfiit aaqqissuussaq ilaatigut suleqatigiinnut ineriartortitsinertut ilaatigut atortarpaat. Tapersersuineq nuannaarutigisorujussuuarput, Charlotte Mølgaard Hansen, Sermitsiaq.AG-mut taama oqarpoq.

Stafetterneq Inussivimmi aallartissaaq, arpattullu anorisiussapput. DMI sekundimut meterinik 13-inik anorlernissaanik siallernissaanillu ilimasaaruteqarpoq.

Silassaq malinnaaffigeqqinnaarneqartoq

- Soorunami sila malinnaaffigeqqinnaarparput. Silaginnerulissasoq neriuutigaarput. Arpattut isumannaallisaaffigineqarneranut ajoqutaasumik ingasappallaalissappat, arpatsitsineq ingerlakkusunngilarput, Charlotte Mølgaard Hansen naqissusiivoq.

Aaqqissuussaq arpanneq sioqqullugu aamma arpareernermi timersortarfimmi ingerlanneqarnera nuannaarutigaa, taamaalilluni toqqit tingitaanissaat pinngitsoorneqassalluni.

- Ukiut sisamat matuma siorna aamma silarluppoq, kisianni arpattut naammassinnipput, taanna ilisimatitsivoq.

Peqataasut assigiinngitsut pingasuupput:

5x5 km angutit

5x5 km arnat

5x5 km akuleriit

Arpanneq nal. 17.00 aallartissaaq

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS