Skip to main content

DF-meersoq: Naalagaaffeqatigiinnerup iluani qimaasoqarpugut

Kalaallit inuuniarnermikkut ajornartorsiortut ''Naalagaaffeqatigiinnermi qimaasutut'' piaaraluni taaguilluni, Dansk Folkepartimit folketingimut ilaasortaq Henrik Brodersen nassuiaavoq. Folketingimi apeqqarissaartoqarnerani qanittukkut taamatut oqariartuuteqarpoq.

Henrik Brodersen Dansk Folkepartimeersup ''qimaasunik'' taaguilluni narrujuummersitsisinnaalluni ilisimalluinnarpaa, kisianni ''aalassatsitsisoqarnissaanik pisariaqartitsisoqartoq'', taanna Sermitsiaq.AG-mut oqarpoq. Aviisip AG-p allaaserisaani arlaliusuni inooqataaniarnikkut ajornartorsiortut Danmarkiliartarnerannik allaaserinnittut, taamatut oqariartuuteqarneranut pissutaapput.

Ajornartorsiut annertooq
- Kalaallit inooqataaniarnermikkut ajornartorsiortut pilluarnermik ujaasillutik Danmarkiliartarnerannik annertuumik ajornartorsiuteqarpugut. Pitsaanerusumik atugaqalernissartik neriuutigalugu tamanna pisarpoq, kisianni killormoortuanik pisoqakkajunnerusoq takusarparput, Henrik Brodersen oqarpoq.

DF-meersoq Folketingip Kalaallit Nunaat pillugu ataatsimiititaliaani ilaasortaasoq, kalaallit inooqataaniarnikkut ajornartorsiortut Danmarkimut pilluarnermik ujartuisarnerat ajornartorsiuterujussuusoq isumaqarpoq.

- Ajornartorsiortut sinaakkutik ilisarisimasatik qimallugit Danmarkiliarniartarnerisa, Kalaallit Nunaanni inuuniarnikkut annertuumik unammillernartoqartoq tamatuma uppernarsarpaa. Kalaallit Nunaanni Danmarkimilu qullersatta ataatsimoorlutik ajornartorsiut tamanna aaqqinniartariaqarpaat, Henrik Brodersen oqarpoq.

Narrujuummersitsinianngitsoq
- Kalaallit taakku ''Naalagaaffeqatigiinnermi qimaasutut'' oqaatigigakkit piaarilluinnarpunga. Narrujuummersitsinianngilanga, kisianni ajornartorsiut sammineqarsilerniarlugu taamaaliorpunga, tamannalu Kalaallit Nunaata Danmarkillu akornanni ataatsimut iluarsineqartariaqartoq isumaqarpunga, Henrik Brodersen oqarpoq.

Aamma atuaruk: Nunatsinniit qimaasut

Danskit meeqqanut inunnillu isumaginninnermut ministerianut Mai Mercadomut apeqqarissaarnermi Henrik Brodersen apeqquteqarpoq.

Ministerip oqaloqatigiinnissaq mattutinngilaa
Kalaallit Nunaata inunnik isumaginninnermut politikki akisussaaffigilernikuugaa ministerip nassuiaatigaa, taamaalillunilu Kalaallit Nunaanni isumaginninnikkut akisussaasuulluni.

- Kisianni tamanna pillugu oqaloqatigiinnissamut mattussinngilaq. Oqaloqatigiippugut. Suliamut ilisimasatigut qanoq tapertaasinnaanerluta ataavartumik oqaloqatigiissutigisarparput, Mai Mercado Henrik Brodersenimut ilisimatitsivoq.

- Kalaallit inooqataaniarnermikkut ajornartorsiortut pillugit oqaloqatigiittoqarpa?, DF-meersup apeqqutini uteqqippaa.

- Kalaallit akuunerulernissaannut kommunit annertuumik suliaqarput. Kisianni suliaq ajornakusoortuuvoq. Attaveqarniarneq attatissallugu ajornarpoq, ministeri nassuiaavoq, taassumalu aningaasanik satspulje 17-imik taaneqartumut Kalaallit Illuutaannut kalaallinullu Danmarkimi ajornartorsiortunut immikkoortitsisoqarsimanera unnersuutigalugu.

Naalagaaffeqatigiinnermi qanorsuaq angalasoqarsinnaavoq
- Naalagaaffeqatigiinnerup iluani qanorsuaq angalallunilu nuuttoqarsinnaavoq. Kalaallit inooqataaniarnikkut ajornartorsiortut ikiorniarsaraagut, kisianni Kalaallit Nunaanni unammilligassat takusagut suliatigut ilisimasanik inatsiseqarnikkullu ikorfartuiniarsarivugut, kisianni Kalaallit Nunaata inunnik isumaginninneq akisussaaffigilernikuuneranut ataqqinnilluta, ministeri akissutimini naqissusiivoq.

Aviisimi AG-mi allaaserisat atuakkit, uani ataani linki aqqutigalugu akiliillutit atuarsinnaavatit:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER