isumalioqatigiissitaq
DF: Isumalioqatigiissitaq quianaannarpoq
Søren Espersenip Saammaasseqatigiinnissamut Ataatsimiititaliaq isornartorsiorpaa
Dansk Folkepartip Kalaallit Nunaat pillugu oqaateqartartua Søren Espersen Saammaasseqatigiinnissamut Ataatsimiititaliaq quinartutut isigaa. Pilersinneqarsimasussaanngikkaluartoq aamma oqaatigaa.
- Pilersinneqarnera kukkunerusoq kikkut tamarmik nalunngilaat, danskiniimmi peqataaffigineqarusunngilaq. Naalakkersuisunngorlaanit aamma peqataaffigineqarusunngilaq, Søren Espersen Ritzauimut oqarpoq.
Isumalioqatigiissitap maleruagassani uniorlugit ingerlatsisoq AG sapaatip akunnerani matumani allaaserisaqarpoq.
Saammaasseqatigiinnissamut Ataatsimiititaliarmi juulimi 2014-mi pilersinneqarmalli ilaasortat arlaqartut ilaasortaajunnaareerput. Ukiup ingerlanerani Amalie Lynge Pedersen, Klaus Georg Hansen aamma Aviaja Egede Lynge ilaasortatut tunuarput.
Helle Thorning-Schmidt statsministeriugallarami ilaatigut oqarpoq saammaasseqatigiittoqartariaqanngitsoq.
Isumalioqatigiissitaq ukiumut 2,4 million koruuninik naleqarpoq, 2017-18-ip tungaanut atuuppoq, sivitsorneqarsinnaallunilu.
Saammaasseqatiginnermut Ataatsimiititaliaq pillugu AG-mi allaaserineqartoq tamaat aviisimi atuarneqarsinnaavoq. Aviisi tamakkiisoq ataani pisiariuk: