Arctic Winter Games
Dene Gamesimi medaaliannangajattoq
Kalaallit Nunaat Arctic Winter Gamesimi medaalia siulleq pissarsiarinissaanut periarfissaqaraluarpoq
Indianerit timersuutaanni Dene Gamesimi ataasinngornermi silami Arctic Winter Gamesimi unammisoqarpoq.
Tassani 'snow snake' unammissutigineqarpoq, peqataasut naaligarput, ungasinnerpaamut naalittoq ajugaasarpoq. Unammineq marlunngornermi ingerlanneqartussaagaluarpoq, anorlernissaanilli ilimasaarisoqarnera pissutigalugu, snow snakemik unammineq ataasinngornermut siuartinneqarpoq.
Tamanna aamma Kalaallit Nunaata Arctic Winter Gamesimi siullerpaamik medaaliannassinnaaneranut periarfissaagaluarpoq.
Atuaruk: AWG-mi unamminerit maanna aallartipput
Medaaliannangajattoq
Kisianni siullermik medaaliannattoqarnissaanut utaqqilaartariaqarpugut. Ataasinngornermi unammisoqarnerani Suulut Geisler, angutini peqataasoq, nuntatsinnit peqataasuni angusarissaarnerpaavoq, ajugaasut sisamaattut inissikkami - medaaliannannissamut qanittunnguulluni.
Naaligarnermini 83.90 meterimut naloriussivoq, kuultinnattumit Drew Dewberrymit Alaskameersumit 19 meterinik qaninnerulluni.
Minik Møller Platou tassani ajugaasut tallimaattut inissippoq.
Juniorit
Juniorini Juaansinnguaq Mathiassen ajugaasut arfernattut inissippoq, naalinnermini 58.70 meterit angugamigit, Kunuunnguaq Lange arfineq-aappaattut inissippoq.
Marlunngornermi 'stick pull' Dene Gamesimi unammissutigineqassaaq, taanna Ukaliusami atuarfimmi Nuummi ingerlanneqassaaq.
Atuaruk: Inernerit uani malinnaavigisinnaavatit